«Digital Arena-4»: мобильді төлемдер және салық сервисін жаңғырту
«Атамекен» ҚР ҰКП жанындағы IT-Кеңес «Ұлттық ақпараттық технологиялар» АҚ қолдауымен ұйымдастырған «Digital Arena-4» алаңында салық саласы сервистерін жаңғырту, сондай-ақ мобильдік төлемдер жүйесіне көшу мәселелері талқыланды.
Қазақстан Республикасының Қаржы вице-министрі Руслан Еңсебаевтың айтуынша, Қазақстанда өкінішке қарай қалыптасқан проблемалардың бірі бір жылға арналған салық міндеттерімен алдын ала танысу мүмкіндігінің болмауы.
«Бүгін ғана біз жүйені жаңартып, дүйсенбіден бастап Павлодар және Қарағанды облыстарының тұрғындары үшін төлемдер сервисі іске қосылады. Яғни, жыл соңына дейін қанша салық төлеу керектігін білуге болады. Бұған дейін біз мұндай ақпаратты жыл соңына қарай ала аламыз, бұл өте жағымды емес еді. Енді осының барлығын алдын ала төлеуге болады», - деді Руслан Еңсебаев.
Екінші мәселе-салық төлеушіге порталға енгізу қажет түрлі деректемелер. Бұл мәселені шешу үшін министрлік алдында салықтарды дәл есептеу үшін қуатты ішкі жүйені құру үшін мемлекеттік органдардың барлық мәліметтерін ретке келтіру міндеті тұр.
«Бұл жерде жиі адам факторы рөл атқарады, қателіктерге байланысты салық дұрыс есептелмейді. Біз қазірдің өзінде деректерді ретке келтіру бойынша жұмысты аяқтаймыз және мемлекеттік органдар жүйесін деректерді қолмен енгізбестен, сондай-ақ деректерді анықтамалықтан автоматты түрде алатындай етіп баптаймыз. Мекен - жайлардың бірыңғай жіктеуіші бар және осыған ұқсас түрде басқа жіктеуіштер бойынша өңделетін боламыз», - деп түйіндеді Руслан Еңсебаев.
Ұлттық банк тек смартфонның көмегімен төлеуге болатын Мобильдік төлемдер жүйесін ұсынды.
«Іс жүзінде смартфонды пайдалана отырып, транзакциялар жүргізуге болады. Бұл жүйенің құны бүгінгі күнге қарағанда әлдеқайда төмен. Жүйе «24/7-365» принципі бойынша, кез келген күні, соның ішінде мереке күндері жұмыс істейді. Бұл жүйе өте перспективалы, біз оны ағымдағы жылдың қыркүйегінде іске асырдық,ол 2019 жылдың қыркүйегінде өнеркәсіптік пайдалануға енеді. Үш банк пилоттық режимде жұмыс істеп жатыр, тағы 8 банк осы жүйеге қосылу туралы Меморандумға қол қойды. Біз мобильді төлемдер жүйесіне деген үлкен сұранысты көріп отырмыз», - деп атап өтті ҚР Ұлттық Банкі төрағасының орынбасары Жанат Құрманов.
Спикердің айтуынша, мобильдік төлемдер жүйесіне көшу қазақстандық it-компаниялардың қызметіне үлкен өріс береді. Сондай-ақ Жанат Құрманов сақтандыру полисінің электронды, сондай-ақ Бірыңғай базада сақталатын жаңа онлайн сақтандыру жүйесі туралы егжей-тегжейлі айтып берді. Тиісінше, автокөлік иелері өздерімен бірге сақтандыру полисінің қағаз нұсқасын алып жүрудің қажеті жоқ.
Ұлттық банк төрағасының орынбасары Клиентті қашықтан сәйкестендіру жүйесіне тоқталып, бүгінгі таңда бұл функция Қазақстан үшін өзекті екенін атап өтті.
«Көптеген қаржы қызметтері операцияны жүргізу кезінде клиенттің жеке қатысуы қол жетімсіз болғандықтан, алыстан сәйкестендіру екі тарапқа да міндетті жеңілдетеді. Бүгінде ІІМ мен Әділет министрлігінің деректер базасы пайдаланылуда, біз осы министрліктермен жұмыс жүргіздік», - деді Жанат Құрманов.
Пікір қалдыру:
Пікірлер: