ҚР Ұлттық кәсіпкерлер палатасы мен «ҚазАгро» холдингі өзара ынтымақтастық туралы Меморандумға қол қойды
ҚР Ұлттық кәсіпкерлер палатасы мен «ҚазАгро» Ұлттық басқарушы холдингі» АҚ әрекеттестікті арттыру мақсатында өзара ынтымақтастық туралы Меморандумға қол қойды.
Құжат кәсіпкерлікті әрі қарай дамытуға, отандық өндірісті қолдауға және ауыл шаруашылығы саласындағы сатып алулардың жергілікті мазмұн үлесін жоғарылатуға бағытталған. Саланы дамыту бойынша күрделі мәселелер мен шараларды талқылаулар тоқсан сайын өтетін болады.
Меморандумға сәйкес ақпаратты бір-біріне жүйелі түрде, бірақ заңнамада белгіленген шектеулерді ескеріп ұсыну ұйғарылады.
Осы уақытқа дейін өткізілген «ҚазАгро» ҰБХ» АҚ еншілес кәсіпорындарының қызметіне байланысты күрделі мәселелер бойынша кеңестер нәтижелі болып келді, себебі соларда көтерілген мәселелер қазірде шешілуде. Меморандумды ресми түрде жасасу Қазақстанның агроөнеркәсіп кешенін дамытуды ынталандыру мүмкіндіктерінің кеңеюіне сенім тудырады.
Пікір қалдыру:
Пікірлер: