«Атамекен» ҰКП-дағы спорт пен бірлік мерекесі: футболдан шағын турнир басталды

2025 жылғы 20 Тамыз

1707 просмотров

Бүгін ҚР Ұлттық кәсіпкерлер палатасының 12 жылдығына орай дәстүрлі түрде футболдан шағын турнир басталды. Турнирге 20 команда – 18-і өңірлік палаталардан және екеуі орталық аппараттан қатысты. Бұл іс-шара жыл сайын ұйым ішіндегі бірлік пен ынтымақтастық рухын нығайту мақсатында өткізіледі.

Ұйымдастырушылар барлық қатысушыларға, әсіресе ҰКП-ның негізі болып табылатын өңірлік өкілдіктерге алғыс білдірді.

«Футбол — бұл командалық рухты тәрбиелейтін ойын, ал турнирге жиналған ҰКП командалары нағыз ұйымшылдықты көрсетіп отыр. Бүгінгі турнир — бұл кәсіпкерлерге ғана емес, сонымен қатар Палатаның құрылған күніне арналған нағыз спорт мерекесі. Сондай-ақ, биыл алғаш рет кәсіпкерлер күні – жаңа кәсіби мереке мемлекеттік деңгейдегі мәртебеге ие болды», - деді ҚР «Атамекен» Ұлттық палатасының басқарма төрағасы Райымбек Баталов.

Ол «Атамекен» ҰКП қызметкерлерін құттықтап, қатысушыларға адал және әділ ойын, өзара құрмет және турнирден жарқын эмоциялар алуды тіледі.

Ойын басталар алдында қатысушыларға турнир ережелері түсіндірілді. Командалар әрқайсысында бес командадан тұратын төрт топқа бөлінді. Ресми ашылудан кейін бірден жеребе тарту рәсімі өтті.

Топтық кезең аясында әр команда өз тобындағы барлық қарсыластарымен ойнайды. Барлығы 40 матч ойналады. Топтық ойындардың қорытындысы бойынша сегіз мықты команда финалға шығады.

22 тамызда жеңімпаздарды марапаттау рәсімі өтеді. Чемпион атанған команда «Атамекен» ҚР ҰКП кубогын алады, ал екінші және үшінші орын алған командалар дипломдармен марапатталады.

Мұндай бейресми іс-шаралар қызметкерлер арасында тығыз қарым-қатынас орнатуға көмектеседі және болашақта кез келген кәсіби мәселелерді шешуге ықпал етеді.

Бұл спорттық іс-шара бірнеше жылдан бері спорттың адамдарды біріктіретінін және корпоративтік мәдениеттің дамуына ықпал ететінін көрсететін жарқын мысал болып отыр.