«Атамекен» ҰКП және TikTok халықаралық компаниясы ынтымақтастық туралы меморандумға қол қойды
Цифрлық технологиялар мен әлеуметтік медиа күнделікті өмірдің ажырамас бөлігіне айналған дәуірде бизнесті дамытуға үлкен мүмкіндіктер ашылады. Бүкіл әлемде, соның ішінде Қазақстанда да үлкен танымалдылыққа ие болған TikTok платформасы өз тауарлары мен қызметтерін өсіру мен ілгерілетудің жаңа жолдарын іздейтін кәсіпкерлер мен жарнама берушілер үшін қуатты құрал болып табылады.
Осы әлеуетті сезіне отырып, «Атамекен» Ұлттық Кәсіпкерлер палатасы кезекті кездесу барысында TikTok халықаралық компаниясымен ынтымақтастық туралы меморандумға қол қойды. Компаниядан Шығыс Еуропа мен Орталық Азиядағы TikTok/ByteDance халықаралық компаниясының өкілі Михаил Якушев қатысты.
.jpg)
Кездесуде TikTok Қазақстандағы шағын және орта бизнес үшін кәсіпкерлікті дамытуда маңызды рөл атқаратыны атап өтілді. Бұл платформа тауарлар мен қызметтерді ілгерілетудің, бренд туралы хабардарлықты арттырудың және аудиториямен байланыс орнатудың қуатты құралына айналды.
«Атамекен» ҰКП жергілікті компанияларды қолдау, жергілікті брендтердің танымалдылығын арттыру, бизнес процестерді құру және кәсіпкерлерді цифрлық экожүйеге тарту мақсатында TikTok халықаралық компаниясымен ынтымақтастықты жүзеге асырады.
.jpg)
TikTok қарапайым платформадан цифрландыруға, экономиканың өсуіне және кәсіпкерліктің дамуына ықпал ете отырып, Қазақстандағы бизнес үшін маңызды құралға айналды. Бүгінгі таңда осы платформа арқылы бизнес белгілі бір аймақтар мен аудиторияларға бағытталған жарнамалық науқандарды жүргізе алады.
Алдағы уақытта «Атамекен» ҰКП мен TikTok халықаралық компаниясы бірлескен ынтымақтастықты жетілдіру бойынша жұмыстарды жүйелі жүргізетін болады.
Пікір қалдыру:
Пікірлер: