Мемлекеттік сатып алу жеңілдеді

2025 жылғы 14 Ақпан

- Алматы қаласы

1950 просмотров

Дереккөз: Алматы қаласының «Атамекен» ӨКП

Алматыда «Мемлекеттік сатып алу туралы» заң нормаларын түсіндіру бойынша кездесу өтті. Оған ҚР қаржы вице-министрі Дәурен Кеңбейіл, «Атамекен» кәсіпкерлер палатасы және қаланың бизнес-қоғамдастығы қатысты.

Жаңа заң ағымдағы жылдың 1 қаңтарынан бастап күшіне енді. Ол бекітілер келісімдердің мерзімдері мен рәсімдерін барынша қысқартуды көздейді. Соның арқасында бір жыл ішінде – 2024 жылдың 14 ақпанынан ағымдағы жылдың 14 ақпанына дейін жасалған шарттардың көлемі бірнеше есе өсті.

«2024 жылдың 14 ақпанына бекітілген шарттар 350 млрд. теңге сомасын құрады. 2025 жылдың 14 ақпанында - бұл сома 1 трлн. 300 млрд.теңгеге дейін өсті. Яғни, келісімшарттарды бекітуге жұмсалған уақыт азайып, және олардың оңай жасалғанын көрсетеді. Мысалы, конкурстар бойынша мерзімдер 60 күннен 10 күнге дейін, ал балдық жүйенің рейтингі бойынша - 5 күнге дейін қысқартылды», - деп атап өтті вице-министр Дәурен Кеңбейіл.

Ең бастысы, заң өзгергелі мердігерлер жергілікті компаниялар қатарынан таңдалады. Бұл жергілікті бюджетке салықтарды аудару және жергілікті жерлерде жұмыс орындары ашылады деген сөз.

Кәсіпкерлер вице-министрге бірнеше ұсыныстарын айтты. Олардың ішінде 1 млрд.теңгеден астам шарттар сомасына жеткізушілердің аудитін жүргізу, сондай-ақ, ауқымды қаражатқа және ұзақ мерзімге бекітілетін шарттар бойынша тапсырыс берушілердің де аудитын жүргузі. Және мүгедек ұйымдарға артықшылық бермеу туралы да ұсыныс айтылды, себебі бұндай шартқа отандық тауар өндірушілер ілінбей қалады.