Қазақстанның Қытайдағы туризм жылының форумы: қорытындылары мен ынтымақтастық перспективалары

2024 жылғы 29 Қараша

- Алматы қаласы

240 просмотров

Дереккөз: Алматы қаласының «Атамекен» ӨКП

27 қарашада Алматыда екі елдің мемлекеттік органдарының, бизнесінің және туристік саласының өкілдерін біріктірген Қазақстанның Қытайдағы туризм жылының жабылу форумы өтті. Форум барысында жыл нәтижелері, ынтымақтастық перспективалары және туризмді дамытудың жаңа мүмкіндіктері талқыланды.

«Атамекен» кәсіпкерлер палатасы форумды қолдап, туристік байланыстарды нығайту үшін бизнес пен мемлекеттің өзара іс-қимылының маңыздылығын атап өтіп, талқылауға белсенді қатысты.

Шекара қызметінің деректері бойынша қазақстандықтардың Қытайға сапарларының саны 31% - ға, ал ҚХР-дан Қазақстанға қонақтар ағыны 50% - ға өсті, деп хабарлады ҚР Туризм және спорт министрлігі. 2024 жылдың 10 айында елімізге 550 мың адам келді. 2023 жылы бұл көрсеткіш 367 мың адамды құрады.

Екі панельдік сессия аясында спикерлер негізгі жетістіктерді, трендтер мен идеяларды ұсынды. 80-ге жуық қазақстандық және қытайлық туроператорлар іскерлік байланыстарды дамытуға және әріптестік қатынастарды орнатуға бағытталған B2B-келіссөздер жүргізді.

Форум Қазақстанды бірегей туристік бағыт ретінде ілгерілетуде және Қытаймен ынтымақтастықты нығайтуда маңызды қадам болды! Жабылу салтанатына Қазақстан мен Қытайдың туристік индустриясының 300-ден астам өкілі қатысты. Жоба барысында ҚХР-ның әртүрлі қалаларында 30-дан астам ірі іс-шаралар өткізілді, сондай-ақ екі елдің компаниялары мен ұйымдары арасында 200-ден астам келісімге қол қойылды. Келесі, 2025 жыл Қытайдың Қазақстандағы туризм жылы болып жарияланды.