Шемонаиха ауданының кәсіпкерлері шешілмей жатқан мәселелерін айтты
ШҚО Кәсіпкерлер палатасы, Шемонаиха ауданының прокуратурасы, Шемонаиха ауданы әкімдігі және бақылау-қадағалау органдары өкілдерінің қатысуымен өткен көшпелі жиында бизнес субъектілерін тексеру жөніндегі қызмет туралы айтылды.
ШҚО Кәсіпкерлер палатасының директоры Қайрат Мамырбаевтың айтуынша, бизнес-қоғамдастық түрлі мәселелерді көтеріп жатыр.
«Фармацевтикалық компаниялардың өкілдері дәрілік заттарды таңбалауды міндетті түрде енгізу, жабдық пен бағдарламалық қамтамасыз етудің жоғары құны, кәсіпкерлер үшін – ауыр сома жайы алаңдатады, - деп атап өтті Қайрат Нұржанұлы. - Сауда объектілеріне келетін болсақ, проблемалар полиция департаменті, санитариялық бақылау анықтаған бұзушылықтармен байланысты. Көбіне айыппұлдар көлемі құқық бұзушылық мөлшеріне сәйкес келмейді».
Сонымен қатар, Шемонаиха ауданының прокуратурасы кәсіпкерлер құқығының заңдылығын сақтауда ерекше рөл атқарады. Түйткілді мәселелерді, ауданда бизнесті дамыту үшін қолайлы климат құруды тежейтін кедергілерді анықтау бойынша шаралар қабылдайды, оларды шешу жолдарын табады.
«Кәсіпкерлер түсірген әр сигнал әкімшілік және қылмыстық құқық бұзушылық тұрғыдан қаралады, - деді Шемонаиха ауданының прокуроры Нұржан Қуатбеков. - Өткен кезеңде аудан прокуратурасы Бизнестің әрекетіне заңсыз араласқаны үшін екі лауазымды тұлға әкімшілік жауапкершілікке тартылды, кәсіпкерлік субъектілеріне қатысты төрт әкімшілік қаулы жойылды».
Шемонаиха ауданы прокуратурасының аға прокуроры Әзиз Асқаровтың айтуынша, былтыр аудан прокуратурасы кәсіпкерлер палатасымен бірлесіп кәсіпкерлердің құқықтарын қорғау бойынша Форум өткізіп, бизнесмендердің проблемалық мәселелерін анықтады.
«Басты мәселелердің бірі Усть-Таловка кентінің бас жоспарының болмауы болды, соның салдарынан кәсіпкерлер жер учаскелерін ала алмады, -деді Әзиз Талғатұлы. - Алайда аудан прокуратурасы мен әкімдіктердің бірлескен күштерімен 2023 жылдың соңында жоспар әзірлеп, осы мәселені жойды. Сондай-ақ, өткен жылы мобильді топқа 9 сигнал келіп түсті, 6-дан түсініктеме беріліп, 3-тен шаралар қабылданды. Актілер бойынша 127 кәсіпкерлік субъектісінің құқықтары қорғалды, бір лауазымды тұлға ӘҚБтК-нің 173-бабы бойынша әкімшілік жауапкершілікке тартылды. «Шемонаиха ауданының аудандық ауруханасы» ұсынысы бойынша 9 кәсіпкердің алдында 16 миллион теңге сомаға берешек өтелді».
Аудан прокуратурасының наразылықтары бойынша үш кәсіпкерлік субъектісін 306 мың теңгеге әкімшілік жауапкершілікке тарту туралы төрт қаулы жойылды, деп қосты ол.
Жыл басынан бері бизнес субъектілерін тексеруге мораторийлер аяқталды, алайда ешкім бизнесмендердің құқықтарына нұқсан келтіруге және олардың қызметіне заңсыз араласуға рұқсат бермеді.
Бизнесті жүргізілетін және жоспарланатын тексерулер бойынша бақылау-қадағалау органдарының баяндамаларын тыңдап, ведомстволар заңдылықтың сақталғанын еске салды.
Өз кезегінде кәсіпкерлер ШҚО Кәсіпкерлер палатасымен және аудан прокуратурасымен өзара іс-қимылдың маңыздылығын атап өтті.
Сонымен, «PR-Tex» кәсіпорнының басшылығы мектепке дейінгі тәрбие мен оқытуға мемлекеттік білім беру тапсырысын орналастыру мәселесін шешуге көмектескені үшін алғыс білдіріп, ауданда детоксикация орталығын құру туралы хабарлады және көмек сұрады.
«Хамзин» шаруа қожалығы олар қызмет көрсететін су құбырын мемлекет меншігіне тегін бергісі келеді. Алайда, олар қиындықтарға тап болды. Аудан прокуроры құқық белгілейтін құжаттармен танысып, кейіннен беру нұсқаларын іздеуді ұсынды.
Сондай-ақ, сауда нысандарының өкілдері тексеруді бағыттау немесе қолма-қол ақшаны бопсалау үшін бұзушылықтарды мақсатты түрде іздейтін блогерлердің қызметіне шағымданды.
Бұл мәселе бақылауға алынды. Жалпы, Қайрат Мамырбаев атап өткендей, кәсіпкерлер кез келген уақытта өз проблемаларын шешуде шығу жолдарын табу үшін палатаға жүгіне алады.
Пікір қалдыру:
Пікірлер: