Қазақстанның сыртқы сауда палатасы және БАӘ Сауда-өнеркәсіп палаталарының федерациясы арасында ынтымақтастық жанданды

2024 жылғы 01 Наурыз

3645 просмотров

27-29 ақпан аралығында Біріккен Араб Әмірліктерінде Іскерлік кеңестің отырысы және қазақстандық кәсіпорындардың сауда-экономикалық миссиясы өтті.

27 ақпанда Қазақстанның сыртқы сауда палатасының төрағасы Мұрат Карымсақов Қазақстанның БАӘ-дегі бас консулы Алмаз Тасболатпен бірлесіп, Дубайда Қазақстан мен Біріккен Араб Әмірліктері арасындағы экономикалық байланысты нығайтуға бағытталған бірқатар кездесу өткізді.

Сапар барысында The Annual Investment Meeting (AIM) төрағасы Валид Фаргхалмен кездесу өтті.

Дубайдағы World Trade Center-де алғашқы кездесу барысында Қазақстан өкілдері the Annual Investment Meeting (AIM) жыл сайынғы іс-шарасының басшысы Валид Фаргхалмен ынтымақтастық перспективаларын талқылады. Екі ел арасындағы әлеуетті инвестициялық мүмкіндіктер мен бизнес-байланыстарды нығайту жолдары сөз болды.

Сонымен қатар, тараптар ынтымақтастық туралы және Қазақстанның сыртқы сауда палатасы AIM-мен ынтымақтасып, 2024 жылғы 7-9 мамырда өтетін көрмеге қазақстандық бизнесті тартатыны туралы келісті.

Қазақстан өкілдерінің Дубай Сауда-өнеркәсіп палатасының президенті Мұхаммед Рашид Лутамен және Таяу Шығыс пен ТМД өңірлік директоры Абдул Бакермен кездесуі өтті. Онда сауда және инвестициялар саласындағы ынтымақтастық мәселелері талқыланды.

Қазақстан-БАӘ Іскерлік кеңесі сауда және интеграция министрі Арман Шакқалиев пен Қазақстан Республикасының Біріккен Араб Әмірліктеріндегі Төтенше және өкілетті елшісі Мадияр Менилбековтің қатысуымен өтті.

28 ақпанда Қазақстанның ЭКСПО-2020 ұлттық павильонында БАӘ Дубай қаласында тарихи оқиға – Қазақстанның сыртқы сауда палатасы мен БАӘ Сауда-өнеркәсіп палаталары федерациясы арасында Іскерлік кеңес құру науқаны басталды. Бұл маңызды қадам екі ел арасындағы бизнес-қатынастарды нығайтуға және дамытуға бағытталған.

Кездесулер Қазақстан мен Біріккен Араб Әмірліктері арасындағы экономикалық қатынастарды тереңдету бағытындағы маңызды қадам болды. Екі тарап өздерінің бизнес-қауымдастықтарының өзара пайдасы үшін одан әрі ынтымақтастық пен тәжірибе алмасуға дайын екендіктерін білдірді. Іс-шаралар сонымен қатар идеялармен алмасуға және экономикалық қатынастардың болашақ дамуы үшін жаңа бағыттарды анықтауға ықпал етті.