Павлодарлық "Атамекен" кәсіпкерлерге монополияға қарсы тәжірибе бойынша кеңес береді
Павлодар облысының кәсіпкерлер палатасы бизнесті одан әрі консультациялар алу және оларды шешуге көмектесу үшін 2 қарашаға дейін бәсекелестікті қорғауға байланысты мәселелер туралы хабарлауды сұрайды.
Қарашадан желтоқсанға дейін ҚР Ұлттық кәсіпкерлер палатасы бәсекелестікті қорғау саласындағы заңнаманы құқық қолдану мәселелері бойынша бизнес субъектілерімен кездесуді жоспарлап отыр.
"Осы іс - шаралар барысында "Атамекен" ҚР ҰКП бәсекелестікті дамыту және тариф белгілеу департаментінің қызметкерлері кәсіпкерлерде туындаған мәселелерімен белгілі болған жағдайларды талдауға ниетті", - дейді Павлодар облысы кәсіпкерлер палатасының директоры Ерқанат Әбенов.
Осындай кездесулерден кейін бизнес субъектілеріне құқықтық консультациялар өткізу, кәсіпкерлердің проблемалық мәселелерін пысықтау, оларды кейіннен заң жобаларына енгізу, анықталған бизнес проблемаларын Бәсекелестікті қорғау және дамыту агенттігінің әкімшілік кедергілер жөніндегі кеңесінің алаңына шығару жоспарлануда. Қажет болған жағдайда Палата қызметкерлері Бәсекелестікті қорғау және дамыту агенттігімен, сондай-ақ оның аумақтық бөлімшелерімен сот дауларына қатысуға дайын.
Осы кездесулерге қатысу үшін екінші қарашаға дейінгі мерзімде Павлодар облысының кәсіпкерлер палатасына қатысушылардың тізімін және бәсекелестікті қорғау саласындағы бизнес мәселелерін қалыптастыру үшін жүгінуіңізді сұраймыз.
Пікір қалдыру:
Пікірлер: