Германия бизнесімен өзара қарым-қатынас жасау мүмкіндігі бар – Ерқанат Әбенов
Павлодар облысының кәсіпкерлер палатасында Германияның бизнес өкілдерімен кездесу өтті. Теміржол технологиялары және логистика саласындағы неміс компанияларының делегациясы бизнес байланыс орнату үшін Қазақстанға іскерлік сапар жасады.
Германиядан келген кәсіпорындар тобының жетекшісі, «NETSCI» компаниясының басқарушы серіктесі Маттиас Крамер «Атамекен» ӨКП-ға келгенге дейін олар Екібастұздағы «Проммашкомплект» ЖШС-на барып, бұдан бұрын Астанада болғанын айтты.
«Біз Павлодар облысында екі күн болдық және сіздермен қарым-қатынасты одан әрі дамытамыз. Біздің делегацияда теміржол техникасы саласында жұмыс істейтін түрлі фирмалардың өкілдері бар. Бірақ әрбір фирма өз қызметтерінің кең спектріне ие», – деді ол.
Павлодар облысының кәсіпкерлік және индустриялық-инновациялық даму басқармасының басшысы Ержан Иманзайыпов өңірде Қазақстанның барлық өнеркәсібінің сегіз пайызы шоғырланғанын айтты. Павлодар қаласының өзі – облыстың жалпы өңірлік өнімінің 48 пайызын қамтиды.
«Бізде республиканың көмірінің жартысынан астамы, шамамен 60 пайызы, ферроқорытпалардың 65 пайызы өндіріледі. Электр энергиясының 40 пайызы дәл Павлодар өңірінде өндіріледі. Мұнда да өңделмеген алюминий мен алюминий тотығының 100 пайызы өндіріледі. Біздің облыста арнайы экономикалық аймақ жұмыс істейді. Онда белгілі бір жеңілдіктер қарастырылған. Соның ішінде салық және кедендік жоспарлар, осылайша келген инвесторлар өз өндірісін осы жерден бастай алады. Теміржол кластері де қарқынды дамып келеді. Біз неміс тарапымен іскерлік әріптестікті дамытуға мүдделіміз», – деп атап өтті спикер.
«ADZ NAGANO» компаниясының иесі Вольфганг Дюрфельд оның фирмасы қысым күші сенсорларын, сенсорлардың үш түрін шығаратынын хабарлады. Өндірілген сенсорлар өнеркәсіптің түрлі технологияларында, мысалы, мұнай өндіру және медициналық салаларда қолданылады.
.JPG)
«Қолданудың көп бөлігі теміржол көлігі, мысалы, метро және трамвайлар, сондай-ақ тау-кен өнеркәсібінде қолданылатын теміржол техникасы, мысалы, экскаваторлар мен бульдозерлер. Біз мұнда көптеген жаңа жоба, атап айтқанда, жаңа вагондар іске асырылғанын көрдік. Сондай-ақ, Павлодарда ресейлік машиналар өте көп екенін байқадық. Біз ұзақ уақыт бойы сенсорларымызды Ресейге жеткізіп келеміз. Біз жаңа жобалармен бірге қазір жұмыс істеп тұрған осы машиналарға қосалқы бөлшектер жеткізуді ұсынамыз. Қосалқы бөлшектерді жеткізу үшін осы елде серіктес іздейміз», – деді Вольфганг Дюрфельд.
«HÜBNER» компаниясының өкілі Вячеслав Погорелов бұл компания өнеркәсіптік көліктер, автобустар, пойыздар, трамвайларға арналған компоненттерді жеткізумен айналысатынын атап өтті.
«Павлодарда жаңа трамвай желісі болатыны өте жақсы жаңалық. Біздің өнімдер қазірдің өзінде қалаңызда «жүйткіп жүр». Біз вагон жасауға көмектескіміз келді. Бізде өте үлкен жұмыс тәжірибеміз бар. Бізде Қытай, Ресей, Венгрия, Түркия, Үндістанда 30-дан астам түрлі өкілдік пен өндірістер бар. Қазақстанда әлі өндіріс жоқ. Сондықтан біз әлеует, мүмкіндіктер бар-жоғын білуге келдік. Біз Астанада «ҚТЖ» ҰК» АҚ бас конструкторымен кездестік, сізге қажет нәрсенің бәрін жөндеуге көмектесе аламыз», – деді Вячеслав Погорелов.
«Schaltbau DC Power Under Control» компаниясының сату жөніндегі директоры Алексей Миренский олардың кәсіпорнының ауқымы тұрақты тоқ бақылауында екенін айтты. Компания тұрақты тоқ жүйелерін шығарады.
«Егер сізде Усть-Катав, Белкоммунмашевский және басқа трамвайлар жүрсе, онда біздің контактерлер қойылған.. «Богатырь» көмір кенішіндегі БелАЗ-да контактерлеріміз орналасқан. Егер көлемдер жеткілікті болса, Қазақстанда құрастыруға дайынбыз», – деді ол.
Павлодар облысы кәсіпкерлер палатасының директоры Ерқанат Әбенов «Атамекен» ӨКП Германия бизнесімен барлық позициялар бойынша жұмыс істеуге дайын екенін айтты.
.JPG)
«Өнімдеріңіз біздің трамвай басқармасына қызықты болады деп ойлаймыз. «Қазақстан темір жолы «ҰК» АҚ-мен байланысты мәселелер барБіз нақты қарым-қатынастарды одан әрі дамытуға мүмкіндік бар екенін көреміз. Егер басқа салаларда қызығушылықтарыңыз болса, оларды қарастыруға дайынбыз. Ауыл шаруашылығы үшін арнайы техника өндіру саласы тартымды болар еді. Біздің облыс тарапынан осындай қызығушылық бар. біз инженерлік шешімдеріңізге, технологияларыңызғамүдде танытып отырмыз», – деді Ерқанат Әбенов.
.JPG)
Спикер неміс кәсіпкерлерінен өз жобалары мен мүмкіндіктерін таныстыруды сұрады және шетелдік тарап бульдозерлер өндірісін талқылай алатын серіктестермен байланыс орнатуға уәде берді. Ерқанат Әбенов өңірге инвесторларды тарту инфрақұрылымы туралы айтты. «Атамекен» өңірлік палатасында бизнеске мемлекеттік қолдаудың барлық шарасы мен инвесторлар үшін барлық мүмкіндікті түсіндіретін жобаларды қолдау бөлімі жұмыс істейді. Прокуратурамен бірлескен фронт-офис құрылған.
Пікір қалдыру:
Пікірлер: