Павлодарлық «Атамекен» жыл басынан бері ауылдардағы бірқатар мәселені шеше алды
Павлодар облысы «Атамекен» палатасының Павлодар аудандық филиалының Кәсіпкерлерге қызмет көрсету орталығы жылдың алғашқы сегіз айында 152 клиентке 514 кеңес берді. Жергілікті ауылдардан бизнеске арналған КҚКО кәсіпкерлерге қаржылай емес сервистік қолдау көрсетудің мемлекеттік бағдарламаларын іске асыру бойынша ашылды. Жыл басынан бері мұнда шағын және орта кәсіпкерлік субъектілеріне, сондай-ақ кәсіпкерлік бастамасы бар адамдарға мемлекеттік қолдаудың қаржылай және қаржылай емес шаралары жайында 115 консультация берілді.
.JPG)
«Кәсіпкерлерге қызмет көрсету орталығында кәсіпкерлік қызметті бастау (ЭҚЖЖ іріктеу) және салық салудың оңтайлы жүйесі мәселелері бойынша 140 консультация, шарттар мен бастапқы бухгалтерлік құжаттардың үлгілерін дайындау мәселелері бойынша 141 консультация, сондай-ақ екінші деңгейдегі банктерде, қаржы органдары мен даму институттарында қаржыландыруға дейін және кейін қажетті құжаттарды жинау бойынша 109 қызмет көрсетілді», – деді Павлодар облысы ӨКП Павлодар аудандық филиалының директоры Рахат Тұрлыбай.
.JPG)
«Бастау Бизнес» мемлекеттік бағдарламасының жобасы бойынша оның бірінші және екінші легі бойынша 18 адам оқуды аяқтады. Бұл жобаның мақсаты – кәсіпкерлік негіздеріне практикалық оқу, бастапқы бизнес-бастамаларды сүйемелдеу және қолдау арқылы жергілікті ауылдардың жұмыссыздар мен өзін-өзі жұмыспен қамтыған тұрғындарын жұмыспен қамту деңгейін арттыру. 2023 жылы Павлодар ауданында жаңа бизнес-идеяларды іске асыру үшін 18 адам 400 айлық есептік көрсеткіш мөлшерінде гранттар алды. Оның 15 -і мал сатып алу, бірі – дәнекерлеу жұмыстарына арналған жабдықты сатып алуға, қалған екеуі – тігін цехына арналған жабдықты сатып алуға бағытталды.
Бизнесті микронесиелеу бойынша үлкен жұмыс жүргізіліп жатыр. 2023 жылы Павлодар ауданының кәсіпкерлері «Аграрлық несие корпорациясы» АҚ-та «Іскер» бағдарламасы бойынша жалпы сомасы 24,9 миллион теңгеге жеті жобасын жүзеге асыруға несие алды. «Ауыл аманаты» бағдарламасы бойынша 140,1 миллионға 18 жоба қаржыландырылды.
2023 жылы бірқатар мәселені шешуге қол жеткізілді. Мысалы, Павлодар облысының кәсіпкерлер палатасына «Жаңа қала» шаруа қожалығы келіп, жер ресурстарын басқару департаменті жүргізілген тексеруден кейін сотқа талап арыз беріп, осы шаруа қожалығының жерін жалдау шартын жарамсыз деп тануды талап еткенін хабарлады. «Атамекен» палатасы Кәсіпкерлердің құқығын қорғау және сыбайлас жемқорлыққа қарсы іс-қимыл жөніндегі кеңестің отырысын өткізді. Шаруа қожалығы мен департамент осының арқасында дауды медиация тәртібімен реттеу туралы келісімге қол жеткізді. Кәсіпкердің құқығы 300 миллион теңгеге қорғалған.
.JPG)
«Асхат» ШҚ оқиғасына сот тәртібімен араласуға тура келді, ол камералдық бақылау нәтижесінде мемлекеттік кірістер органдары анықтаған бұзушылықты жою туралы хабарламаға қарсы шықты. Сот талапкердің талаптарын қанағаттандырды. Осы кәсіпкердің қорғалған құқығының сомасы 39 324 966 теңгені құрады.
.JPG)
«Ауылдық жерлердегі шағын кәсіпкерлік субъектілерінен сақтандыру мерзімдерін он екі айдан алтыға дейін қайта қарауды және ең төменгі сақтандыру сыйлықақысының мөлшерін бір айлық жалақыдан 0,5-ке дейін төмендетуді сұрайды. Қазір сақтандыру сомасы ауылдағы бизнес үшін ауыр, сондықтан қаржылық жүктеме туындайды, өйткені ауылдардағы кіріс қалаларға қарағанда әлдеқайда төмен», – деп атап өтті Рахат Тұрлыбай.
.JPG)
Кәсіпкерлердің пікірінше, «Жұмыскерді еңбек міндеттерін атқару кезінде жазатайым оқиғалардан міндетті сақтандыру туралы» заңға ауылдық бизнес субъектілері үшін аражігін ажырату бөлігінде өзгерістер мен толықтырулар енгізу кейіннен ауылда кәсіпкерлікті дамытуға, қосымша жұмыс орындарын құруға және олар өткізетін тауарлардың бағасын төмендетуге мүмкіндік береді.
.JPG)
Осы жылы Павлодар ауданындағы «Атамекен» палатасының қолдауымен аудан прокуратурасының нұсқауымен Мемлекеттік кірістер басқармасының кәсіпкерлерді чек бермегені үшін әкімшілік жауапкершілікке тарту туралы 22 қаулысы жойылды.
.JPG)
«Біз Павлодар облысының аудандарында боламыз және бірқатар мәселелер анықталды, оның ішінде жүйелі сипаттағы мәселелер. Оларды бизнес және мемлекеттік органдармен бірлесіп шешетін боламыз», – деді Павлодар облысы кәсіпкерлер палатасының директоры Ерқанат Әбенов.
.JPG)
Пікір қалдыру:
Пікірлер: