Ақмола және Чех кәсіпкерлері ынтымақтастықты тереңдету туралы келісті

2023 жылғы 09 Қазан

- Ақмола облысы

18533 просмотров

Бүгін Көкшетауда Қазақстан-Чех бизнес-форумы өтті. Халықаралық кездесу елдер арасындағы экономикалық, сауда және дипломатиялық қатынастарды нығайтуға бағытталған.

Іс-шараға Ақмола облысының әкімі Марат Ахметжанов, Чехияның ауыл шаруашылығы министрі Марек Выборны және Қазақстандағы ТЖ Төтенше және өкілетті елшісі Павол Шепеляк қатысты.

Сонымен қатар, форумға чех және қазақстандық бизнестің 120-дан астам өкілі қатысты. Іс-шара Ақмола облысының әкімдігі, «Kazakh Invest» АҚ Ұлттық компаниясы» АҚ, Чехияның Астанадағы елшілігі, сондай-ақ өңірлік кәсіпкерлер палатасының ұйымдастыруымен өтті. Бизнес-форум аясында инвестициялар, ауыл шаруашылығы, ветеринария, тамақ өнеркәсібі, сақтандыру, сауда сияқты бағыттар бойынша ынтымақтастықты дамыту мәселелері талқыланды.

«Бүгінгі бизнес-форумға АӨК саласында жұмыс істейтін чех бизнес-құрылымдарының 40-тан астам өкілі қатысты. Олар Қазақстанның астық орталығы – Ақмола облысының әлеуетіне қызықты. Біздің өңірде агроөнеркәсіп кешені жақсы дамыған, ал чех әріптестерінің осы саланы, атап айтқанда, мал шаруашылығы, ветеринария, генетика, ауыл шаруашылығы дақылдарының өнімділігін арттыру саласында одан әрі жетілдіру жөнінде өз ұсыныстары бар. Біз өзара тиімді шарттарда ынтымақтастығымызды одан әрі дамытуға ниеттіміз. Қазіргі басты мақсаттарының бірі – өңірімізді инвестициялық тартымды ету. Бұл кәсіпкерлікті, озық технологияларды дамытуға, жаңа жұмыс орындарын құруға жаңа серпін береді. Бұл шаралар Мемлекет басшысы белгілеген міндеттер», – деп атап өтті облыс әкімі.

«Біз қазір Қазақстанның алдында ауыл шаруашылығын дамыту бойынша жаңа міндеттер тұрғанын білеміз және Чехияның бұл бағытта көптеген ұсынысы бар. Мысалы, Ақмола облысы үшін маңызы зор мал генетикасы, егіс материалдары салаларында. Сондай-ақ, біз ауыл шаруашылығы жабдықтарын жеткізу, құс етінен өнімдерді экспорттау, инкубациялық жұмыртқа саласында бәсекеге қабілетті болғымыз келеді», – деп атап өтті Чехияның ауыл шаруашылығы министрі.

Бизнес-форум бағдарламасы екіжақты кездесулерді де қамтыды. Ақмола облысы тарапынан В2В кездесулерге шағын және орта бизнестің 70-ке жуық өкілі қатысты.

«Тараптар белсенді ынтымақтастық пен өзара қарым-қатынастарды тереңдетуге ниетті және қазіргі уақытта іскерлік келіссөздердің алғашқы нәтижесі бар. Атап айтқанда, Ақмола ауыл шаруашылығы өндірушілері асыл тұқымды малды экспорттауға, ауыл шаруашылығы техникасын жеткізуге, қайта өңдеуді дамытуға мүдделі», – деді Ақмола облысы кәсіпкерлер палатасының директоры Ерқанат Мұсылманбек.

Форум жұмысының қорытындысы бойынша Ақмола облысының әкімдігі мен ауыл шаруашылығы министрлігі арасында Өзара түсіністік және ынтымақтастық туралы меморандумға қол қойылды. Құжат қолда бар коммерциялық уағдаластықтарды іске асыру жөніндегі жұмысты жалғастырып қана қоймай, перспективалық бағыттарды дамыту үшін жаңа байланыстар орнатуға мүмкіндік береді.