Сұранысты қалыптастыратын тенденция

2023 жылғы 23 Тамыз

- Батыс Қазақстан облысы

7634 просмотров

Сүттен жасалған ең көп таралған тағамдардың бір – ірімшік. Ірімшіктің түр түрі бар, осы өнімдерге сұраныс артып келеді. Батыс Қазақстан облысының кәсіпкер тұрғындары ірімшік, сүзбе жасауды үйрену үшін өңірлік кәсіпкерлер палатасы жанынан жұмыс істейтін әйелдер кәсіпкерлігін дамыту орталығына ірімшік дайындаудың технологиялық процесін оқыту курсын ұйымдастыруды сұрады. Орталық қыз-келіншектердің өтінішін қолдады.

Оқу курсы 14-21 тамыз аралығында өтті. Жалпы 20 адам қатысты. «Бистро» кафесінің иесі Динара Рахматуллина курс өткізу алаңын ұсынып қана қоймай, өзі де білімі мен тәжірибесін бөлісті.
Екі апталық курс аясында кәсіпкер ірімшік алу үшін сүтті коагуляциялау техникасын сипаттады. Келушілер тренерден көптеген пайдалы ақпаратты білді: ферментті қалай алуға болады, артық сарысуды кетіру, кесекті қандай мөлшерде кесу керек, ірімшік үлгісін жасау және т.б.

Әйелдер кәсіпкерлігін дамыту орталығының менеджер-консультанты Аида Бақтыгерееваның айтуынша, ірімшік өндірісіне ең үлкен қызығушылықты 36-49 жас және 17-35 жас аралығындағы әйелдер танытқан. Курсқа келушілердің бесеуі елуден асқан ханымдар. Бақтыгереева Рахматуллинаның тыңдаушыларының арасында есту қабілетінің жоғалуынан зардап шегетін әйелдер де болғанын, олар үшін сурдоаудармашының сүйемелдеуімен қамтамасыз етілгенін атап өтті. Тыңдаушылардың бірі курс ұйымдастырушыларына алғыс білдірді, алған білімдерін тек тұрмыста ғана пайдаланбайтынын атап өтті. Әйел оларды сату мақсатында ірімшік өндірісін жолға қоюға ниетті.

Сол күндері ӨКП-да «Кәсіпке бағыт» жобасымен оқу өтті. Бағыт – «Сүтті өңдеу». Айта кету керек, бұл жоба тек шағын және орта бизнес субъектілерін қамтиды.
Сүтті өңдеу бойынша білімді 16 адам алды, оның төртеуі ер адамдар.
Оқу кәсіпкерлер палатасында жүргізілді. Тренер – Динара Рахматуллина.