«Атамекен» ҰКП Өңдеу өнеркәсібі комитетінің төрағасы сайланды

2023 жылғы 24 Шілде

5904 просмотров

2023 жылғы 19 шілдеде «Атамекен» ҰКП Төралқасы жанындағы Өңдеу өнеркәсібі комитетінің отырысы өтті. Онда комитет мүшелері Нагуманова Тахмина Өтеғалиқызын комитет төрайымы етіп сайлады.

ҰКП Өңдеу өнеркәсібі комитеті жеңіл, химия, жиһаз және ағаш өңдеу өнеркәсібі, цемент және бетон өндірушілері, кабельдік өнімдер, индустриялық үй құрылысы комбинаттары, Қазақстанның тас өңдеу саласы және өңдеу өнеркәсібінің басқа да салаларының қауымдастықтары мен одақтарын біріктіреді.

Тахмина Нагуманова «Қазақстан Республикасы химиктерінің одағы» заңды тұлғалар бірлестігінің вице-президенті. Маман химия және мұнай-химия саласының кәсіпорындары мен ұйымдарында қызмет еткен, сондай-ақ қаржы секторында үлкен жұмыс тәжірибесі бар.

Жаңа төрайым Қазақстанның өңдеу өнеркәсібінің жүйелі мәселелерін шешуге бағытталған комитеттің одан әрі жұмысын күшейтуді ұсынды.