Астанада Қазақстанның көмір өнеркәсібінің IV форумы өтеді
Қазіргі экономикалық жағдай көмір өнеркәсібіндегі жаңа тенденцияларды қажет етеді. Бүгінде көмірді жеткізудің жаңа экспорттық бағыттарын іздеу, қатты отынды байыту және жоғары құнды өнімдерге қайта өңдеу бойынша заманауи технологияларды енгізу, көмір химиясы мен көмірді таза және тиімді пайдаланудың басқа да жолдарын дамыту, өндірісте қауіпсіздікті қамтамасыз ету, көміртексіздендіру саясаты аясында көмір өндіру перспективаларын айқындау, өндірістің тиімділігін арттыру мәселелері өзекті.
Саланың осы және басқа да өзекті мәселелері 2023 жылғы 1 маусымда Astana Mining & Metallurgy XIII Халықаралық тау-кен металлургия конгресі шеңберінде өтетін Қазақстанның көмір өнеркәсібінің IV форумының алаңында талқыланады.
«Жаңа энергетикалық парадигма жағдайында көмір саласын дамыту мүмкіндіктері» тақырыбында форумды ҚР Индустрия және инфрақұрылымдық даму министрлігінің қолдауымен Тау-кен өндіруші және тау-кен металлургия кәсіпорындарының республикалық қауымдастығы (ТМКҚ) ұйымдастырып жатыр.
Биыл Форум өз алаңында саланы дамытудың тұжырымдамалық мәселелерін талқылау, оны қазіргі жағдайда дамыту векторын айқындау, тәжірибе алмасу және әлеуетті әріптестермен іскерлік байланысты кеңейту үшін мемлекеттік органдар, көмір өндіруші кәсіпорындар, ұлттық компаниялар, қазақстандық және халықаралық сарапшылардың басшыларын төртінші рет жинап отыр.
Қазақстанның көмір өнеркәсібі -–экономиканың ірі салаларының бірі. Ол Қазақстандағы электр энергиясының 70%-дан астамын өндіруді отынмен қамтамасыз етеді, кокс-химия өндірісінің толық жүктемесін іске асырып, коммуналдық-тұрмыстық сектор мен халықтың отынға деген қажеттілігін толығымен қанағаттандырады.
2022 жылдың қорытындысы бойынша Қазақстанда 117 млн тоннадан астам көмір өндірілді. Бұл өткен жылғы өндіру деңгейінен бір жарым пайызға артық. 2022 жылы көмір экспорты 32,5 млн тоннаны құрады. Коммуналдық-тұрмыстық қажеттіліктерге және халық үшін 11,03 млн тонна, энергетикалық кешендерге – 64,4 млн тонна және өнеркәсіптік кәсіпорындарға 5,97 млн тонна көмір жөнелтілді.
Көмір табиғи жағдайларға тәуелділігі аз, ең арзан энергия ресурсы болып қала береді. Көмір өндіру құны баламалы және жаңартылатын энергия көздерінен едәуір төмен. Бұл халық үшін электр энергиясының қолжетімділігіне, сондай-ақ отандық өндірістің бәсекеге қабілеттілігіне ықпал етеді.
Сонымен қатар, елімізде барланған көмір қоры шамамен 34 миллиард тоннаны құрайды. Осы көрсеткіш бойынша Қазақстан әлемдегі лидер елдердің ондығына кіреді. Өнеркәсіп ондаған мың жұмыс орнын қамтамасыз етеді, елге экспорттық кіріс әкеледі.
Форум негізгі салалық іс-шара және көмір өнеркәсібінің өзекті мәселелерін кеңінен талқылауға, саланы бәсекеге қабілетті және инвестициялық тартымды етуге мүмкіндік беретін оны дамыту стратегиясын әзірлеуге арналған алаң. 2019, 2021 және 2022 жылдары көмір форумын өткізудің оң тәжірибесі Қазақстан экономикасы үшін маңызды саланы дамыту бойынша мамандар, жұртшылық пен мемлекеттік органдардың пікірін шоғырландыру үшін іс-шараның маңызды екен растайды.
Байланыс деректері:
Форумға делегаттардың қатысу мәселелері бойынша мына телефон бойынша хабарласуға болады: +7-7172-689-612, электрон пошта: elmira.voinova@agmp.kz.
БАҚ аккредитациялау мәселелері бойынша мына телефонға хабарласуға болады: +7-701-027-89-74, электрон пошта: rysty.alibekova@agmp.kz.
Форумға тіркелу үшін мына сілтемеге басыңыз.
Форумға тегін қатыса аласыз.
Пікір қалдыру:
Пікірлер: