Павлодарлық «Атамекен» «Қазагрофинанс» АҚ алдында шаруалардың мүддесін сотта қорғауды жалғастырады
Экономикалық сот Павлодар облысының Кәсіпкерлер палатасының «Алтай» ШҚ және «Жаңа Бірлік» АӨК-ны қорғау туралы «Қазагрофинанс» АҚ-ға қатысты талап арызын қанағаттандырудан бас тартты. Енді «Атамекен» ӨКП облыстық сотқа апелляциялық шағым түсірмекші.
Шаруа қожалығы мен ауылдық өндірістік кооператив лизингке ауылшаруашылық техникасын сатып алып, бұл туралы нақты сомасы келісімге қол қойған. Бірақ кейінірек «ҚазАгрофинанс» АҚ шаруалардың ҚҚС төлеуге 12 пайыздық қарызы бар екенін және олар несиенің өзінен бөлек, оны да төлеуге тиіс екенін хабарлады. Алайда, салық туралы заң мен Салық кодексіне сәйкес шаруалар қосылған құн салығынан босатылған: олар ҚҚС төлеуші ретінде тіркелмеген және арнайы салық режимінде жұмыс істейді. Шаруа қожалықтарына салық берешегін төлеуге міндеттегенмен қоса, кредитор кешіктіру туралы мәліметтерді бірінші несиелік бюроға берген, нәтижесінде ауыл шаруашылығы тауарын өндірушілердің несие тарихына нұқсан келтірілген.
Сонымен қатар, бұл шаруалар сатып алған ауыл шаруашылығы техникалары ҚҚС-тан босатылған. Бірақ жауапкер тарапынан бұл ереже сақталмаған. Мемлекет бұл норманы шаруалардың техника сатып алуы үшін арнайы жасаған, ал «Қазагрофинанс» АҚ салық төлеуді талап етеді. Негізінде, «Атамекен» палатасының айтуынша, салықты осы мекеме емес, тек мемлекеттік кіріс органдары ғана алуға құқылы. Сондықтан Палата «Қазагрофинанс» АҚ-на сотқа берді.
«Экономикалық соттың шешімімен Павлодар облысы Кәсіпкерлер палатасының «ҚазАгроҚаржы» АҚ-на қойған талаптары қанағаттандырусыз қалдырылды. «Атамекен» ӨКП «Алтай» ШҚ және «Жаңа Бірлік» АӨК атынан әрекет етті. Талаптар қаржылық лизинг құнын 12%-ға өсірумен төлемдерді есептеу және бар берешек туралы мәліметтерді бірінші кредиттік бюроға беру талаптарын заңсыз деп тану туралы болды», - дейді Павлодар облысының кәсіпкерлер Палатасы директорының орынбасары Серік Әубәкіров.
Оның айтуынша, Кәсіпкерлер палатасы «ҚазАгрофинанс» АҚ-ның кәсіпкерлерге қарсы әрекетін заңсыз деп есептеп, әлі де өз ұстанымында.
«Сот шешіміне апелляциялық шағымдану құқығын өзімізде қалдырамыз. Бұл шағымды заңда белгіленген мерзімде мәні бойынша қарау үшін облыстық сотқа жібереміз», - деді ол.
Пікір қалдыру:
Пікірлер: