Павлодарлық «Атамекен» 25 фирманың жұмысшылары үшін аялдамаға қол жеткізуде
Павлодар қаласының шетінде 25 кәсіпорынның басшылары бірнеше мәрте сұраған аялдама жақын арада пайда болуы мүмкін. Осы аялдаманы орнату мәселесі бойынша облыстық Кәсіпкерлер палатасы жергілікті билікке өтініш білдірді.
.JPG)
Успен көпірінің артындағы Жібек жолы көшесінде орналасқан павлодарлық 25 фирманың басшылары Павлодар облысы Кәсіпкерлер палатасына қоғамдық көлік аялдамасын жабдықтау туралы өтінішпен бірнеше рет жүгінген. Аялдаманың жоқтығынан, аталған кәсіпорындардың 250-ден астам қызметкері жұмыс орындарына жете алмай жүр, олардың арасында мүгедектер де бар. Олардың барлығына тасымалдауды ұйымдастыруға кәсіпкерлердің қаржылық мүмкіндігі жоқ.
«Келіп түскен өтініштерден кейін «Атамекен» Павлодар палатасының алаңында кәсіпкерлердің, автотұрақ директорларының, қалалық тұрғын үй-коммуналдық шаруашылық және жолаушылар көлігі бөлімі өкілдерінің қатысуымен екі дөңгелек үстел отырысы ұйымдастырылды. Соның бірінде, аялдаманы орнататын жерге барып, қарауды жөн көрдік», - деді Павлодар облысы Кәсіпкерлер палатасы директорының орынбасары Жомарт Сембаев.
.JPG)
Белгілі болғандай, бұл жерде бұрын аялдама болған. Көлік полициясы автобус павильонын орнатуға келісім берді. Дәл осы жолдың бойында қазір 10, 41, 42 және 66-бағыттағы автобустар қатынайды. Бар болғаны тоқтап, түсіріп, жолаушыларды алып кету керек. Бірақ бұл үшін көліктердің келуіне арналған «қалта» деп аталатын жерді жасап, маңдайшалар мен павильондарды қою қажет болды. Жолдың екі жағында да белгілер пайда болды.
«Енді көліктерді тоқтатып, адамдарды шығару үшін жол төсемінің өзін ретке келтіру керек, өйткені оның жол жиектерінде еңістері бар екені белгілі болды. Жол тегістелгеннен кейін автобустар тоқтай алады. Алғашында бұл жерге ұсақталған тас төсеуге болады, ал жазғы маусымда асфальттауға болады деп ойлаймын», - дейді Жомарт Сембаев.
.JPG)
Пікір қалдыру:
Пікірлер: