Палата заңгерлерінің көмегімен кәсіпкер сотта жеңіске жетті
Алматы қаласының тұрғыны Лолита Таратина Алматыдағы спорт клубтарының бірінде фитнес-тренер болып жұмыс істеген. Бірақ 2020 жылдың басында бүкіл әлемді коронавирустық пандемия жаулаған сәтте, бұрынғыша өмір сүру және жұмыс істеу мүмкін болмады. Содан кейін Лолита басқа бағытты меңгеруді шешті.
2020 жылы «Атамекен» Кәсіпкерлер палатасының арқасында визажист мамандығын алып, курсты аяқтаған соң кәсіпкерлікті дамытуға арналған мемлекеттік грантқа конкурсқа қатысты.
«Визажист курсын бітіргеннен кейін бизнес-жоспар жазып, жеке кәсіп ашу үшін мемлекеттік грантқа конкурсқа қатысу ұсынылды. Мен бұл ұсыныстың барлық шарттарын орындадым және соңында осы грантты жеңіп алған қатысушылардың бірі болдым. Әйелдер бұл элиталық қызметті одан әрі арзан бағада алуы үшін макияж студиясын аштым. Өйткені біз жалдау ақысын алып тастадық, үйге бару мүмкіндігін және т.б. қарастырдық», - дейді Лолита Таратина.
Бірақ пандемияның салдары бизнестің дамуына мүмкіндік бермеді. Әйел кәсібін қалай жабу керек болғаны жайлы айтып берді.
«Біз қуанышпен жұмыс істедік, бірақ уақыт өз күшін алады. Жағдай біршама күрделі болды. Мен белгілі бір деңгейге жеткім келді, бірақ, өкінішке орай, мүмкін болмады. Бұл жағдайдан көбі зардап шекті, әсіресе біз сияқты ісін жаңа бастаған кәсіпкерлер», - деп қосты Лолита Таратина.
Біршама уақыттан соң әйелге өз атына соттан грант сомасын қайтаруды талап еткен арыз түсті. Осыдан кейін Лолита бұл шешімді қайта қарау туралы арыз жазып, бірден Алматы қаласының Кәсіпкерлер палатасынан көмек сұраған.
«Мен Палата директоры Айтуар Қошмамбетовке барлық жағдайды түсіндірдім. Ол маған адвокат қызметтерін ұсынды, осылайша құжаттарымды түгел қарап шыққан уақытта шындық мен жақта екені белгілі болды. Сотта өзімнің адал азамат ретінде әрекет еткенімді көрсетуге толық мүмкіндігім бар екенін түсіндім. Сот отырысы белгіленген кезде WhatsApp арқылы онлайн режимде болды», - дейді Лолита.
Судья кәсіпкердің пайдасына шешім қабылдап, уәкілетті органға шарттың бір бөлігі мен талаптарын орындамағаны туралы қателігін, барлық даулы мәселелерді кәсіпкермен тікелей шешу қажет екенін және бұл үшін дереу сотқа жүгінудің қажеті жоқ екенін көрсетті.
«Сондықтан мені тыңдап, осындай көмек көрсеткені үшін директор мен оның адвокаты Атамекенге алғысым шексіз. Мұндай қолдау маған бәрі жақсы болатынына сенімділік берді», – дейді Лолита Таратина.
«Кәсіпкер Лолита Таратина бізге хабарласқанда, біз бірден құжаттарды зерделеуге кірістік. Іс сотқа жеткендіктен дауды медиация тәртібімен шешу қарастырылмады. Барлық мән-жайды ретке келтіре отырып, кәсіпкердің кінәсіздігін дәлелдей алдық», – дейді Кәсіпкерлерді қорғау басқармасының басшысы Айдын Айырбеков.
Кәсіпкер бизнес-жоспарлары туралы да айтып, оларды жүзеге асыру үшін міндетті түрде бізге келетінін айтты.
«Сізде жанып тұрған идея болған кезде, оны шешудің жолы немесе жүзеге асыруға мүмкіндіктер болатыны сөзсіз. Мен экологиялық жобаларды жақсы көретіндіктен, бір күні жабық экологиялық тізбек жасағым келеді. Мен алдыма мақсат қойдым. Біз, қазіргі қазақстандықтар қоқыс шығара отырып, ол жерде бәрі өте таза екенін, жағымсыз иісі бар органикалық қалдықтармен ластанбағанын көре аламыз. Өйткені, барлық мәселе органикалық қоқыстарды басқа барлық нәрселермен араластырғанда, ауыр уланулар бөлінеді. Мұның бәрін қоқыс шығару мәселесіне саналы түрде қарау арқылы болдырмауға болады», – дейді Лолита Таратина.
Пікір қалдыру:
Пікірлер: