Павлодарлық шаруалардың егістігіне барлық техника дайын
Павлодар облысында 2022 жылы ауыл шаруашылығы басқармасының мәліметінше, шаруалар 1 миллион 554 мың 100 гектар жер егуді жоспарлап отыр, бұл 85,2 мың гектарға немесе бір жыл бұрынғыға қарағанда 6% - ға көп, дәнді дақылдар, жемшөп дақылдары мен картоп егістерін кеңейту есебінен.
Көктемгі дала жұмыстарына байланысты шаруалардың проблемалары туралы сөз Павлодар облысының Кәсіпкерлер палатасында өңірдің ауыл шаруашылығы тауар өндірушілерінің мемлекеттік органдар өкілдерімен кездесуінде айтылды.
Кеңесті "Атамекен" ӨКП директоры Серік Сәдуақасов өткізді.
Павлодар Ертіс өңірінің барлық қалалары мен аудандары көктемгі егіс жұмыстарына кірісті; қазір өсімдік өсірушілер, диқандар ылғалды жабумен, жерді жыртумен және егіс алды топырақты өңдеумен айналысады.
Биыл аграршылар 28,5 мың тонна минералды тыңайтқыш енгізуді жоспарлады – бұл 2021 жылмен салыстырғанда 80% - ға көп.
Көктемгі дала жұмыстарын жүргізуге 21,8 мың тонна жанар-жағар май бөлінді.
Ауыл шаруашылығы басқармасының хабарлауынша, барлық техника егін егуге дайын.
Кеңесте ауыл шаруашылығы тауарын өндірушілер өздерінің проблемалық мәселелерін айтып, оларды шешуге барынша тез жәрдем сұрады.
Пікір қалдыру:
Пікірлер: