4 ақпанда «Атамекен» ҰКП Құрылыс және ТКШ комитетінің отырысы өтті. Жиын барысында комитеттің өткен жылғы жұмысының қорытындысы қаралып, алдағы кезеңге арналған міндеттер белгіленді.

Жиынды ашқан комитет төрағасы Александр Белович  елдегі күрделі экономикалық жағдайға және құрылыс саласындағы жүйелік проблемаларға қарамастан, құрылыс саласындағы ресми статистика деректері бойынша оң динамика байқалатынын атап өтті.

Анықтама: статистика деректері бойынша 2021 жылы пайдалануға берілген тұрғын үй көлемі 17 млн шаршы метрді құрады. Бұл 2020 жылдың көрсеткішінен 11%-ға артық. 2021 жылы құрылыс-монтаждау жұмыстарын қаржыландырудың барлық көзі бойынша шығыстар 2020 жылғы көрсеткіштен 15%-ға асып, 7,4 трлн теңгені құраған, оның ішінде 4,5 трлн теңге – кәсіпорындар мен ұйымдардың өз қаражаты.

 «Өткен жыл құрылыс саласына оңайға соқпады. Жүйелі мәселелермен (мемлекеттік сатып алудың жетілмегендігі, нарықтық бағаға сәйкес келмейтін мемлекеттік объектілер бойынша баға белгілеу, объектілер құрылысын бюджеттік жоспарлау проблемалары және т. б.) қатар біз жедел әрекет ету және шұғыл шаралар қабылдауды талап ететін жаңа сын-қатерлерге тап болдық. Барлық мәселені шешу мүмкін болмады. Бірақ Үкімет және жауапты мемлекеттік органдармен тығыз ынтымақтастықта бірқатар проблеманы шеше алдық», – деп атап өтті Александр Белович.

Осы жылы «Атамекен» жүйесінде аккредиттелген 16 салалық қауымдастық құрамында комитеттің бірлескен күш-жігерімен құрылыс материалдары құнының едәуір қымбаттауынан туындаған, бюджет қаражатынан қаржыландырылатын құрылыс жобаларын түзету қажеттілігі мәселесінде оң нәтижелерге қол жеткізілді.

Мемлекеттік тапсырыс бойынша құрылыс құнының қымбаттауы мәселесін шешудегі үлкен жетістік – құрылыс ресурстары құнының қымбаттауы кезінде сметаны түзету мүмкіндігін заңнамалық тұрғыда бекіту болды.

Сондай-ақ, жаңа экологиялық кодекс енгізілгеннен кейін туындаған мемлекеттік экологиялық сараптамадан өту мәселесін шешу жөніндегі комитеттің бірлескен күш-жігерімен азаматтық-тұрғын үй мақсатындағы объектілерді салу жобалары бойынша экологиялық сараптама жүргізу рәсімдерін оңайлату мен мерзімдерін қысқартуды көздейтін бірқатар түзету енгізуге қол жеткізілді.

Бұған қоса ҰКП-ның бірнеше ұсынысы бойынша оң нәтижеге қол жеткізілді:

• 4 және 3-класс үйлердегі паркингтер саны бойынша талаптар қысқартылды;
• «Баспана Хит» және «7-20-25» бағдарламаларының қолданысы салынған қаражат толық пайдаланылғанға дейін ұзартылды;
• Объектілерді пайдалануға қабылдау кезінде рұқсат етілген шекті ауытқу нормалары белгіленді (жалпы көлем туралы 1,5%);
• Үш сатылы газ тарату жүйелерін қолдану мәселесі нормативтік түрде реттелді.;
•  Қысқы уақытта құрылыс-монтаж жұмыстарын орындау кезінде шығындар сомасын өндіріп алу мәселесіне қатысты қадағалау актілерін енгізу бойынша практика тоқтатылды;
• Коммерциялық жылжымайтын мүлік бойынша жеке ЭҚЖЖ анықталды;
• Мемлекет жер телімдеріне жалдау құқығын сатудың әділ құны және бизнестің басқа да бастамалары бойынша талаптар белгіленген.

Сондай-ақ, жиын барысында ҚР Премьер-министрі бірінші орынбасарының төрағалығымен Бизнестің проблемалық мәселелері жөніндегі комиссия шеңберінде құрылыстағы мемлекеттік сатып алу саласындағы кәсіпкерлердің проблемаларын уәкілетті органмен бірлесіп қарау жөніндегі комитеттің тиімді жұмысы атап өтілді.

Жұмыс қорытындысы бойынша, Комитет жанынан құрылған жұмыс тобының ұсыныстары:

•  Сатып алу кезінде байқау өтінімі бағасының рұқсат етілген төмендеу шегі азайтылды (ҚМЖ 10%-дан 5%-ға дейін, жобалау жұмыстары бойынша 15%-дан 10%-ға дейін);
• Әлеуетті өнім берушінің қаржылық тұрақтылығы түрінде жаңа біліктілік талабы енгізілді және төленген салық көрсеткіші 4%-дан 3%-ға дейін төмендеді;
• Қажетті бастапқы деректерді ұсынған, авторлық және техникалық қадағалаулардың орындалған жұмыстар актілеріне қол қойған, Тапсырыс берушінің жобалау-сметалық құжаттаманы сараптамаға тапсырған күннен бастап тауарларды жеткізу, жұмыстарды орындау, қызметтерді көрсетудің нақты мерзімдері белгіленді;
• Жеке инвестициялар есебінен орындалған объектілер бойынша жұмыс тәжірибесін растау және кешенді құрылыс кезінде жұмыс түрлері бойынша жұмыс тәжірибесін бөлу мүмкіндігі қамтамасыз етілді;
• Тапсырыс берушілердің шартқа Қазақстан Республикасының заңнамасында көзделмеген талаптарды және (немесе) талаптарды негізсіз енгізу мәселелері реттелді.

Сонымен қатар, талқылау барысында комитет мүшелері саланың бірқатар өзекті проблемалық мәселесін белгіледі, оларды шешу үшін комитет осы жылы жұмысын жалғастыруы тиіс.

Комитеттің 2022 жылға арналған жұмыс жоспарына енгізілетін негізгі бағыттардың ішінде: мамандар мен арнайы техника тапшылығына тәуелділікті азайту жөніндегі мәселелерді шешу, құрылыс материалдары өндірісінің көлемін ұлғайтуға бағытталған кешенді шаралар қабылдау, сметалық-нормативтік базаны, салалық заңнаманы, құрылыстағы мемлекеттік сатып алу саласындағы заңнаманы одан әрі жетілдіру, халықтың табысын арттыру және құрылыс нарығының басқа да мәселелері бар.

Сондай-ақ, отырысқа қатысушылар салалық қауымдастықтардың рөлін ірілендіру және күшейту арқылы комитет жұмысының тиімділігін арттыру, кәсіпкерлік субъектілері, оның ішінде өңірлер деңгейінде қамтуды ұлғайту, комитетте қауымдастықтарды аккредиттеуге қойылатын біліктілік талаптарын және оның дербес құрамын қайта қарау мәселелерін талқылады.

«Атамекен» ҰКП басқарма төрағасының орынбасары Талғат Темірханов комитет мүшелеріне «Digital Atameken» цифрлық экожүйесін құру бойынша Ұлттық палата жүргізіп жатқан жұмыс туралы ақпарат берді. Осы жұмыс аясында кәсіпкерлер және қауымдастықтармен өзара іс-қимылға жаңа тәсілдер іске асырылатын болады.

«Құрылып жатқан экожүйе кәсіпкерлерге арналған барлық мемлекеттік қызмет, мемлекеттік қолдау шаралары және «Атамекен» көрсететін қызметтерді «бір терезе» қағидаты бойынша біріктіру арқылы кәсіпкерлерге қызмет көрсетудің атаулы және сервистік тәсілін қамтамасыз етуге арналған» – деді Талғат Темірханов.

Сондай-ақ, спикер Ұлттық палатаны трансформациялау жөніндегі жұмыс тобының жұмыс барысы туралы айтып, отырысқа қатысушылардың барлығын осы жұмысқа белсенді қатысуға шақырды.