Кәсіпкерлер МӘМС жүйесінде сақтандырылған қызметкерлер тізімін жаңартуы керек

2021 жылғы 27 Мамыр

7702 просмотров

Шағын және орта бизнес субъектілері ағымдағы жылдың 1 қазанына дейін msb.fms.kz сайтында 2020 жылдың сәуірінен желтоқсанына дейінгі аралықта төлемдер жасаудан босатылған жұмыскерлер туралы деректерді жаңартуы тиіс.

Егер жұмыс берушілер бұл деректерді енгізуге үлгермей қалса, онда қызметкерлер сақтандырылған статусынан айырылып, міндетті медициналық сақтандыру жүйесіне көмек ала алмай қалады. 2020 жылдың қазан айында үкімет шағын және орта бизнестің бірқатар субъектісін 2020 жылдың 1 қазанына дейін еңбекақы қорына жарна төлеуден босатты.

Әлеуметтік медициналық сақтандыру қорының мәліметтері бойынша 336 мың ішінен 41,8 мың кәсіпкердің жүйедегі деректері жаңартылмаған.