Іnfoalmaty.kz порталы арқылы рұқсаттар қалай беріледі?
«Атамекен» Ұлттық кәсіпкерлер палатасының Алматы кәсіпорындарына жұмыс істеуге рұқсат беру процесіне қатысуы жөнінде түсіндірме
infoAlmaty.kz портал жұмысына қатысты «Атамекен» ҰКП-ға кәсіпкерлерден көптеп өтінімдер түсуіне байланысты келесіні хабарлаймыз:
InfoAlmaty.kz порталы төтенше жағдай кезеңінде Алматы қаласы бойынша қозғалу үшін кәсіпкерлерден өтініш жинау процесін автоматтандыру мақсатында іске қосылды. Бұл өтініштер автоматты түрде жедел штабқа жөнелтіледі, адами фактор нөлге тең, демек тәуекелдер мен қателіктерге де орын жоқ.
Еске салсақ, 6 сәуірде қағаз анықтамалардан бас тартқан соң Алматы қаласы әкімдігі жанындағы жедел штаб рұқсат етілген салалар, қызмет түрлері, сондай-ақ қала тіршілігіне қажетті кәсіпорындар тізімі негізінде жаңа базаны қалыптастыра бастады. Кәсіпорын жетекшісі өзі тізімн құрап, оны жедел штабқа жіберуі керек болатын, штаб қызметкерлері өтінішті қол режимінде қарайтын. Мақұлдаудан кейін штаб өтініштерді “Сергек” базасына енгізу үшін Полиция департаментіне жіберіп отырған. Бір ғана өтініш үшін 8 сағаттан 1 тәулік уақыт кететін.
Бұл процесті тездету, сондай-ақ қателіктерге орын бермеу үшін infoAlmaty.kz порталы іске қосылды. “Атамекен” ҰКП процестің операторы қызметін атқарады, бірақ қала бойынша қатынауға рұқсат беру немесе тыйым салу туралы шешім қабылдауға құзіреті жоқ.
Қала бойынша қозғалуға рұқсатты беру жөніндегі шешімдерді Алматы қаласы әкімдігінің жедел штабы қабылдайды және қала әкімшілігі құзыретінде қалады.
Осыған байланысты «Атамекен» мамандары кәсіпкерлердің рұқсат беруден бас тарту себептерін түсіндіру бойынша өтініштерін қанағаттандыра алмайды, өйткені бұл шешімдер Ұлттық палатаның құзыретіне кірмейді.
Осы ретте өтінішті толтыру, құжаттарды беру мәселелерімен кәсіпкерлер Алматы қаласы Кәсіпкерлер палатасына жүгіне алады, төтенше жағдай кезеңінде қала бойынша жүруге қатысты барлық ақпарат ресми телеграмм-каналда жарияланады.
Пікір қалдыру:
Пікірлер: