Отандық кәсіпорындардың 44%-ы қызметін тоқтатты – салалық сауалнаманың қорытындысы

2020 жылғы 10 Сәуір

6991 просмотров

Жүргізілген сауалнама төтенше жағдайдан айтарлықтай зардап шеккен салаларды қамтиды. 9 сәуірдегі ахуал бойынша сауалнаманы 2 148 кәсіпорын толтырды (сауалнама нақты 2 сәуір күні басталды)

Толтырылған сауалнамалардың басым бөлігі ауыл шаруашылығына тиесілі. Сондай-ақ біз сауалнамаға қатысқан кәсіпорындар өндірісінің жалпы үлесін 2019 жылға (ҚР Статистика жөніндегі комитетінің мәлеметтері бойынша) сала өндірісінің көлемімен салыстырамыз. Мұнда құрылыс саласы 17%-бен көш бастап тұр, ауыл шаруашылығы – 4,4%, сауда – 4% және т.б.. (4-слайд).

Сауалнаманы ең аз толтырған, бірақ айтарлықтай әлеуеті бар салалар – өңдеу өнеркәсібі, сауда, көлік және мейрамхана бизнесі.

Сала бойынша	саны	үлесі, %
Ауыл шаруашылығы	631	25%
Басқа	294	14%
Құрылыс	284	13%
Білім беру	275	13%
Туризм	172	8,0%
Өңдеу өнеркәсібі	172	8,0%
Сауда	124	5,8%
Көлік және логистика	58	2,7%
Мейрамхана бизнесі	55	2,6%
IT-қызметтер	47	2,2%
Медицина қызметтері	36	1,7%
Барлығы	2 148	100%

Қызметті шектеу

Кәсіпорындардың 44%-ы төтенше жағдай режиміне байланысты қызметін толығымен тоқтатуға мәжбүр. Сәйкесінше, кәсіпорындар үлкен шығындарға батты, шығын көлемін кәсіпорындар 232 млрд теңгеге бағалап жатыр (6-слайд).

Қаржылық ахуал

Төтенше жағдай кезеңінде

Кәсіпорындарға жүргізілген салалық сауалнама ТЖ кезеңінде әзірге ауыл шаруашылығы саласы ғана қаржы тұрғысынан тұрақтылықта екенін көрсетті (41%).

Дағдарысты қаржылық жағдайды келесі салалар (сауалнамаға қатысқандар ішінен) көрсетті:

Туризм – 70%
Мейрамхана бизнесі – 60%

Тұрақты қаржылық жағдайды келесі салалар көрсетті (сауалнамаға қатысқандар ішінен):

Құрылыс – 63%
Сауда – 55%
ИТ-қызмет – 53%
Білім беру – 43%

ТЖ режимінен кейін (ары қарай 6 айда – болжам)

Төтенше жағдайдан кейін қаржылық тұрақтылықта ауыл шаруашылығы (46%) және білім беру саласы (54%) болады.

Дағдарысты жағдайда келесі салалар болады (сауалнамаға қатысқандар ішінен):

Туризм – 52%
Мейрамхана бизнесі – 36%

Тұрақсыз қаржылық жағдайда келесі салалар болады (сауалнамаға қатысқандар ішінен):

Медицина қызметтері – 58%
ИТ-қызметтер – 57%
Өңдеу өнеркәсібі – 54%

Өндіріс көлемі (ары қарайғы 6 айда – болжам)

Сауалнамаға қатысқандардың төрттен бір бөлігі өндіріс көлемінің 50%-ға дейін төмендеуін және өндірілетін тауарлар құнының 20%-ға қымбаттауын күтуде (8-слайд).