Отандық кәсіпкерлерді Ыстамбұлда өтетін сауда-экономикалық миссияға шақырады

2019 жылғы 28 Маусым

3443 просмотров

Екіжақты ынтымақтастықты дамыту шеңберінде Қазақстанның Сыртқы сауда палатасы 30 шілде және 1 тамыз аралығында отандық кәсіпкерлерді Ыстамбұлда өтетін сауда-экономикалық миссияға қатысуға шақырады

Сауда-экономикалық миссияға қатысу үшін өңдеу өнеркәсібімен айналысатын тауар өндірушілер шақырылады. Іс-шараның мақсаты – қазақстандық және түрік кәсіпкерлері арасындағы сауда қатынастарды дамыту, сонымен қатара екі ел арасындағы іскерлік байланысты нығайту.

Қазақстанның Сыртқы сауда палатасы келесі шығындарды өтейді:

Сауда-экономикалық миссияны өткізуге арналған жабдықталған мәжіліс залын жалдау;
Сауда-экономикалық миссия өтетін күні кофе-брейк және түскі асты ұйымдастыру;
Қазақстандық қатысушыларды орналастыру (1 кәсіпорыннан 1 өкілден артық емес, миссия өтетін ресми уақыт аралығында);
Қазақстандық қатысушылардың шет ел ішіндегі трансфері.

Екі жаққа ұшу, тәуліктік шығындар және басқа да шығындарды кәсіпкерлер өздері өтейді.

Іс-шараны Қазақстанның Сыртқы сауда палатасы, «Атамекен» ҚР Ұлттық кәсіпкерлер палатасы, ҚР Индустрия және инфрақұрылымдық даму министрлігі, ҚР-дағы Түркия Республикасының Елшілігі, Түркия сауда палаталары және сауда биржалары одағы (TOBB), Түрік ынтымақтастық және үйлестіру жөніндегі агенттігі (TIKA), сондай-ақ, Түркияның сыртқы экономикалық байланыс жөніндегі одақ (DEIK) ұйымдастырды.

Миссияға қызығушылық танытқан кәсіпкерлер жауапты мамандарға хабарласа алады: Карина Омарова + 7 (7172) 27- 90-54 (ішкі: 222), Әсел Байболова, + 7 (7172) 27-90-54 (ішкі: 207), Ибрагим Бекқалиев, + 7 (7172) 27-90-54 (ішкі: 221), i.bekkaliyev@atameken.kz

Тіркелу мына сілтеме арқылы.

Анықтама үшін: Ресми деректер бойынша Қазақстан және Түркия арасындағы тауар айналым 2018 жылы 1,9 млрд АҚШ долларын құраған (Қазақстаннан Түркияға экспорт – 1,242 млрд АҚШ доллары, ал импорт – 655 АҚШ доллары). 2019 жыл қаңтар-сәуірде тауар айналым 944 млн АҚШ долларын құрады (экспорт – 714 млн АҚШ доллары, импорт – 230 млн АҚШ доллары).