«Атамекенде» туристік саланың сақтандыру тәуекелдері талқыланды
«Атамекен» Ұлттық кәсіпкерлер палатасы алаңында туроператорлардың жауапкершілігін ерікті сақтандыру және туристерді міндетті сақтандыру мәселелері талқыланды.
Кеңеске Қазақстан Ұлттық Банкінің, сондай-ақ туристік және сақтандыру нарығы өкілдері қатысты.
.JPG)
2019 жылғы 1 қаңтарда күшіне енетін сақтандыру саласындағы заңнамалық өзгерістерге байланысты, атап айтқанда туроператор мен турагенттің азаматтық-құқықтық жауапкершілігін міндетті сақтандырудың күшін жою және шетелге шығатын әрбір туристің міндетті сақтандыруға көшуі, осы жылы ҚР Ұлттық Банкі туроператорлар мен турагенттердің АҚЖ ерікті сақтандыру сияқты құралды енгізу мүмкіндігін зерттеді.
«Ерікті сақтандыру өнімдерінің нарығы өте кең, бірақ бұл өнімдерді нақты бөлу керек, өйткені АҚЖ ерікті сақтандыру туроператордың өз тәуекелдерін ғана жабады», - деп атап өтті ҚР Ұлттық Банкінің банктік емес қаржы ұйымдарын реттеу департаментінің сақтандыру нарығын дамыту басқармасының бастығы Дәурен Жәмек.
Ерікті сақтандыруды талқылау барысында туристік нарық өкілдері туроператорлардың АҚЖ ерікті сақтандыру міндетті түрде сақтандыру өнімдерінде болуы тиіс деген ұстанымды нақты айтты.
Сонымен, «Туристік Қамқор» корпоративтік қорының төрағасы Инна Рей, туристің әртүрлі себептермен ұшпауына, отельге қонбауына байланысты көптеген тәуекелдер бар екенін атап өтті.
«Бүгінгі таңда бұл тәуекелдер ештеңемен өтелмейді. Сақтандыру нарығын бізге ерікті өнімдерді, оның ішінде АҚЖ сақтандыруды ұсынамыз. Олар қымбат болсын, әрбір туроператор мен турист өзіне не қажет екенін өзі шешеді», - деді ол.
.JPG)
Туроператорлардың АҚЖ сақтандыру міндетті түрде ерікті сақтандыру сегментінде қалуы тиіс, деп есептейді Қазақстан туристік қауымдастығының директоры Рашида Шайкенова.
«Неліктен біз АҚЖ міндетті сақтандырудың күшін жоюды өтіндік? Өйткені бұл сақтандыру жұмыс істемеді. Біз жаңа нысандарды, жаңа өнімдерді іздеуді өтіндік. Алайда, туристерді міндетті сақтандыруды енгізгеннен кейін, жауапкершілік туроператорларға қайтадан жүктелді, ал туроператор туристермен тікелей жұмыс істемейді», - деді ол.
Қазақстанның қаржыгерлер қауымдастығының басқарушы директоры Ерлан Бурабаев сақтандыру нарығы барлық ұсыныстарды қарауға және туроператорлардың АҚЖ ерікті сақтандыруда қолайлы шарттар мен қажетті талаптарды әзірлеуге дайын екенін атап өтті.
АҚЖ ерікті сақтандыру талқыланғаннан кейін туристік нарық 1 қаңтардан бастап күшіне енетін шетелге шығатын әрбір туристі міндетті сақтандыруға қатысты бірқатар мәселелерді көтерді.
«Біз заң шығару кезеңіндегі заңнамалық өзгерістерді көп талқыладық, алайда туристік нарық ұсыныстарының көпшілігі естілген жоқ. Біз ТКТ кеңсесінде Ұлттық банкпен, сақтандыру компанияларымен бірқатар кездесулер өткіздік, ұсынылған сақтандыру тетігін түсінуге тырысамыз. Айта кетерлігі, сақтандырушылардың мәселесі бізден кем емес», - деп атап өтті Шайкенова.
Енгізілген міндетті сақтандыру мәселесі бойынша сақтандыру нарығының өкілдері де сөз сөйледі.
«Бүгінгі таңда ешқайда кетпеуден, жолжүгін жоғалтудан сақтандыру сияқты ерікті сақтандыру өнімдері бар, бірақ олар үлкен сұранысқа ие емес. Жаңа заңнамаға келер болсақ, біз заң бойынша жұмыс істеуіміз керек. Қазір біз туристерді міндетті сақтандыруға лицензия алу барысында тұрмыз, сондай - ақ сақтандыру тетігі өтініш беруді және полистерді электронды форматта беруді қарастыратындықтан, біз мәліметтер базасын біріктіріп, осы тетікті сынақтан өткізуді бастаймыз», - деді «НОМАД Иншуранс» сақтандыру компаниясы медициналық сақтандыру басқармасының директоры Ринат Мухамедзянов.
Туристік нарық өкілі Қанат Елеусізов сақтандыру компаниялары туроператорлардың АҚЖ міндетті сақтандырудың әрекет ету мерзімінде туроператорлармен келісім-шарт жасасудан жалтаратынына қауіптеніп отыр.
«Менің өтінішім түрлі сылтаулармен қаралмағанда және мен сақтандыру шартын жасай алмай, іс жүзінде заңсыз жұмыс істеген кезде мен де ащы сабақ алдым», - деді Елеусізов.
«АҚЖ ерікті сақтандыру бойынша-Ұлттық банк сақтандырудың қолайлы шарттарын әзірлеуде белсенді жұмыс жүргізуді және талқылауды ұсынады. Туристерді міндетті сақтандыруға келер болсақ, біз туроператорлар мен турагенттердің, сондай - ақ сақтандырушылардың барлық мәселелері бойынша қолдау көрсетуге дайынбыз», - деп қорытындылады Дәурен Жәмек.
Туристерді сақтандыру бойынша толығырақ ақпаратпен мына жерден танысуға болады.
Пікір қалдыру:
Пікірлер: