Астанада Қазақстан-Жапония бизнес-форумы өтеді
21 маусым күні Астана қаласында Жапония және Қазақстан үкіметтері және жеке сектордың экономикалық ынтымақтастық жөніндегі бірлескен комиссиясының жетінші отырысы аясында екі мемлекеттің ресми тұлғаларының қатысуымен Қазақстан-Жапония бизнес-форумы өтеді.
Форум жұмысына Қазақстан мен Жампонияның медициналық құрал-жабдық, фармацевтика, ауыл шаруашылығы мен тамақ өнеркәсібі, тау-кен қазу өнеркәсібі, ІТ-индустрия саласындағы ірі бизнесі ұлттық компанияларының өкілдері қатысады деп күтілуде.
Іс-шара бағдарламасы екі мемлекеттің ресми тұлғаларының қатысуымен өтетін пленарлық жиын, «Ақпараттық технологиялар және цифрлық салалардағы ынтымақтастық мүмкіндігі», «Тау-кен металлургиялық кешенді дамыту», «Энергетика саласындағы ынтымақтастық мүмкіндігі» және «Қазақстан мен Жапония арасындағы бизнестегі жаңа бағыттар» атты панельдік сессиялардан тұрады.
Жапония бизнес ортасының қызығушылығын ескере отырып, бұл іс-шара Қазақстанның экспорттық мүмкіндіктерін кеңейтуге, екі мемлекет кәсіпкерлері арасында байланыс пен тәжірибе алмасу, сондай-ақ экономиканың әртүрлі салаларында екіжақты ынтымақтастықты нығайту және дамытуда септігін тигізеді деген болжам бар.
Форум аясында В2В форматында келіссөздер жүргізіледі.
Осыған байланысты Сіздерді бизнес-форумға қатысуға шақырамыз.
Қатысуға қатысты сұрақтар бойынша мына телефон арқылы білуге болады: Ибрагим Бекқалиев, +7 7172 279054 (ішкі: 221), i.bekkaliyev@atameken.kz.
Қазақстан-Жапония бизнес-форумына тіркелу
Форум бағдарламыасы мен қатысушылар тізімі тіркелген қатысушыларға жіберіледі.
Пікір қалдыру:
Пікірлер: