Кәсіпкерлік инфрақұрылымды дамытуға – 25 млрд теңге
Шағын және орта бизнестің жаңа объектілерін ашу бюджет есебінен қаржыландырыла береді
Қазақстан Үкіметінде «Нұрлы жол» мемлекеттік бағдарламасының іске асу барысы талқыланды. Мемлекеттік бағдарламаның мақсаттарының бірі – шағын және орта бизнестің инфрақұрылымдық дамуын қолдау.
«Бизнестің жол картасы-2020» бағдарламасының аясында кәсіпкерлік нысандарына жетіспейтін инфрақұрылымды қарастыра келе, 2015-2016 жылдарға 25 млрд теңге қарастырылды. Оның 15 млрд теңгесі 2016 жылға бөлінген», – деп хабарлады Үкімет отырысында ұлттық экономика министрі Қуандық Бишімбаев.
Сондай-ақ министр, қаржыландыру жоспары бойынша биыл әкімдіктерге 9 млрд теңге аударылғанын және оның 8 млрд теңгесі немесе 90%-ы игерілгенін атап өтті.
«Ақмола, Ақтөбе, Қарағанды, Қостанай, Павлодар облыстары мен Алматы қаласы әкімдіктері қаражатты толық игерсе, ал ШҚО әкімдігі – 80%-ын, ОҚО әкімдігі – 85%-ын игерді», – деп атап өтті Қуандық Бишімбаев.
Ұлттық экономика министрінің ақпараты бойынша, қаражаттың толық игерілмеу себебі жұмыс кестесінен қалып қоюмен, мердігерлердің міндеттерін орындамаумен, сондай-ақ Қаржылық бақылау комитетінің жүргізген тексерулері кезінде ШҚО-да жобаның жүзеге асырылуының тоқтатылуымен байланысты.
«Жалпы алғанда, мемлекеттік бағдарламаны жүзеге асыру жылдарында инфрақұрылым жетіспеушілігі 126 шағын және орта бизнес субъектілерінде жүргізілді», – деп түсіндірді министр.
Сондай-ақ экспорталды және экспорттық қаржыландыруды ынталандыру үшін «Бәйтерек» холдингінің облигациялық қарыздары арқылы 15 млрд теңге қарастырылған. «Бүгінгі таңда «Қазақстанның Даму банкі» сомасы 18,8 млрд теңге 7 жобаны мақұлдады. Оның сомасы 4,6 млрд теңге болатын 3 жобасы қазірдің өзінде қаржыландырылды. Сонымен қатар, жалпы сомасы 22,4 млрд теңге болатын 9 жоба қаралып жатыр», – деді министр.
Пікір қалдыру:
Пікірлер: