Журналистер, жұмыстарыңызды күтеміз!
«Атамекен» Ұлттық кәсіпкерлер палатасы «Еуразиялық экономикалық одақтағы қазақстандық бизнес: интеграцияның жағымды және жағымсыз тұстары» тақырыбында журналистік еңбектерге байқау жариялайды.
Байқау номинациялары:
- баспа БАҚ-тағы үздік талдамалы материал;
- теледидардағы үздік репортаж (ақпараттық-талдамалық бағдарламаға арналған сюжет, деректі фильм);
- Интернет-БАҚ-тағы үздік талдамалы материал;
- үздік радио-сюжет;
Байқау мемлекеттік және орыс тілдерінде Журналистика күні қарсаңында өткізіледі.
Байқауға республикалық және өңірлік БАҚ журналистері қатыса алады.
Байқау мақсаты – Еуразиялық экономикалық одақтың Қазақстан бизнесіне әсері жайлы объективті ақпарат тарату.
2014 жылғы 1 қарашадан бастап 2015 жылғы 15 маусымға дейінгі аралықта БАҚ-та жарияланған немесе эфирге шыққан журналистік жұмыстар қабылданады.
Өтінімдер мен жұмыстарды қабылдаудың соңғы күні – 2015 жылғы 18 маусым.
Байқау лауреаттары дипломдармен, қаржылай сыйлықтармен және бағалы жүлделермен марапатталады.
Қатысу үшін өтінім толтырып, байқау жұмыстарын pr@palata.kz мекенжайына жолдау қажет.
Байқауға жұмыс ұсыну тәртібі:
Байқауға жіберілетін әрбір жұмысқа автордың аты-жөні, жұмыс орны, лауазымы мен байланыс деректері (электронды мекенжай және телефон номері) көрсетілген және БАҚ басшысының қолы қойылған жеке өтінім рәсімделуі тиіс. Байқауға БАҚ-та штаттан тыс жұмыс жасайтын авторлар да қатыса алады.
Аудио және бейнематериалдар эфирлік анықтамалармен бірге ұсынылады.
Байқау өтініштері хабарландыру жарияланған күннен бастап қабылданады.
Телевизиялық жұмыстар DVD-дискілермен ұсынылады, радио және фото жұмыстар – CD-дискілермен, баспа материалдар Word форматында ұсынылады және PDF форматындағы жарияланымымен бірге жіберіледі (скан көшірме БАҚ шығыс деректері мен ақпаратынан тұруға тиіс).
Бейнематериалдар DVD форматында кем дегенде 1280х720 рix анықтықта ұсынылады, хронометраж – кем дегенде 3 минут (бейнесюжеттер үшін) және көп дегенде 30 минут (деректі фильмдер немесе телебағдарламалар үшін).
Аудиоматериалдар mp3 форматында ұсынылады, хронометраж – көп дегенде 20 минут.
Word форматындағы мәтіндік материалдар Байқаудың ұйымдастырушы комитетінің электронды мекенжайы бойынша қабылданады.
Материалдар талаптарға сәйкес келмеген жағдайда, Байқауды ұйымдастыру комитеті қатысушының өтінімін қайтаруға құқылы.
Пікір қалдыру:
Пікірлер:
Богатырева Ярослава, ТРК "Алау", г. Костанай
Администратор
Где посмотреть итоги конкурса?
Татьяна
Администратор
Администратор