«Атамекен» диалогқа шақырады
«Ұлттық палата жүйесінде қауымдастықтарды (одақтарды) аккредиттеуден өткізу ережелері және аккредиттеуден өткізуге қойылатын біліктілік талаптарына» сәйкес қауымдастық (одақ) нысанындағы жеке кәсіпкерлер және (немесе) заңды тұлғалар бірлестіктері (бұдан әрі – қауымдастық (одақ) аккредиттеуден өтуге тиіс.
Ұлттық кәсіпкерлер палатасында аккредиттеу республикалық салааралық, салалық қауымдастықтарға (одақтарға), сондай-ақ республикалық шағын, орта және (немесе) ірі кәсіпкерлік қауымдастықтарына (одақтарына) қатысты жүзеге асырылады.
Қауымдастықтарды (одақтарды) аккредиттеуден өткізуге арналған құжаттар ресми баспа БАҚ-та қағаз тасығыштарда (19.05.2015 жылғы № 91 (27967) «Егемен Қазақстан» газеті, 19.05.2015 жылғы № 91 (27 967) "Казахстанская правда" газеті), және /немесе электронды формада аккредиттеуден өту туралы хабарландыру жарияланған сәттен бастап 3 ай ішінде қабылданады.
Қауымдастықтар (одақтар) Ережеде көзделген құжаттар топтамасын Ұлттық палата Басқармасына мына мекенжайға жолдайды:
Қазақстан Республикасы, Астана қаласы, индекс 010000,
«Есіл» ауданы, Дінмұхамед Қонаев көшесі, 8, «Изумрудный квартал» ӘҒ, «Б» блогы.
e-mail: accreditation@palata.kz
Ұлттық палатада аккредиттеуден өту үшін мына құжаттарды ұсыну қажет:
1) қауымдастықтың (одақтың) мүддесін сенімхатсыз танытуға уәкілетті қауымдастық (одақ) басшысы немесе сенімхат бойынша өкіл (сенімхат көшірмесін тіркеумен) қол қойған, Ережеге 1 Қосымшада белгіленген форма бойынша өтініш;
2) қауымдастық (одақ) қызметі туралы есеп және қауымдастықтың (одақтың) белгіленген біліктілік талаптарына сәйкестігін растайтын құжаттар;
3) Ұлттық палатада аккредиттеуден өту үшін мына құжаттарды да ұсыну қажет:
- қауымдастық (одақ) өзінің дауыс құқығы бар өкілін (өкілдерін) қосуды ұсынып отырған Ұлттық палата Төралқасының комитеті туралы мәліметтер;
- жоғарыда аталған өкіл (өкілдер) туралы мәліметтер (Т.А.Ә., түйіндеме, біліктілік, кәсіби тәжірибе, сонымен қатар экономиканың сәйкес саласындағы жұмыс тәжірибесі туралы мәліметтер, жеке куәлік көшірмесінен тұрады);
- кеңесу дауысы құқығы бар қауымдастық (одақ) өкілі (өкілдері) қатысуы үшін Ұлттық палата Төралқасының өзге де комитеттері туралы мәліметтер, сондай-ақ жоғарыда аталған өкіл (өкілдер) туралы мәліметтер (Т.А.Ә., түйіндеме, біліктілік, кәсіби тәжірибе, сонымен қатар экономиканың сәйкес саласындағы жұмыс тәжірибесі туралы мәліметтер, жеке куәлік көшірмесінен тұрады);
- қауымдастықтың (одақтың) съез жұмысына қатысуға ұсынылатын өкілі туралы мәліметтер;
4) қауымдастықтың (одақтың) штаттағы жұмысшылары тізбесі, Т.А.Ә. және лауазымын көрсетумен.
Біліктілік талаптары және аккредиттеуден өту процедурасы Ережеде белгіленген.
Ереженің толық мәтінін мына жерден жүктеуге болады.
Пікір қалдыру:
Пікірлер: