«KAZENERGY» қауымдастығы базасында мұнай-газ және мұнай-химия салаларының техникалық комитеттері құрылады – ҚР ҰКП
ҚР ҰКП Президиумының мүшесі Данияр Абулғазиннің төрағалық етуімен Ұлттық кәсіпкерлік палатасы Президиумы мұнай-газ Комитетінің отырыс өтті.
Комитет отырысының күн тәртібіндегі маңызды мәселенің бірі - мұнай-газ саласын техникалық реттеу жүйесі.
Мәжілісте 80-нен астам мұнай газ және энергетикалық кешен ұйымдарын біріктіретін «KAZENERGY» қауымдастығы базасында мұнай-газ және мұнай-химия салаларының техникалық комитеттерін құру ұсынысы мақұлданды .
Сондай-ақ, отырыста ҚР Парламенті Мәжілісі қарауына жіберілген Әкімшілік құқық бұзушылық туралы Кодекске мұнай өнімдерінің айналымы туралы заң нормаларының бұзылуына жол берілгені үшін жауапкершілікті арттыру туралы енгізілетін ұсыныстар мақұлданды.
Отырыста отын-энергетикалық кешенді дамыту жөніндегі Тұжырымдама талқыланды. Комитет мүшелері ҚР Салық салу жүйесін терең зерделей отырып, Тұжырымдамаға толықтырулар енгізу керектігін атап өтті.
Мұнымен қоса, сәулет және қала құрылысы, мұнай-газ саласындағы шетелдік құрылыс компанияларының қатысуымен салынатын құрылысты лицензиялау бойынша мәселелер талқы көрді.
Комитет отырысы кемінде айына 1 рет өткізіліп тұруы тиіс. Комитет төрағасы сондай-ақ, келесі отырыста хаттамалық шешімдердің орындалуы жөнінде мәлімет дайындау керектігі туралы шешім етті.
Пікір қалдыру:
Пікірлер: