Кеден одағы және Вьетнам Социалистік Республикасының Еркін сауда туралы келісімі

2014 жылғы 21 Қараша

4144 просмотров

Қазірде ЕЭК Кеден одағы тараптарымен бірге КО – Вьетнам Социалистік Республикасы форматындағы еркін сауда аймағын құру туралы Келісім жасасу бойынша жұмыс жасалуда.

Еркін сауда аймағын құру өнеркәсіптік және ауыл шаруашылық тауарлар үшін кедендік тарифтерді біртіндеп жоюды, яғни сыртқы экономикалық қызмет аясында сауданы ырықтандыруды көздейді.

Анықтама: Қазіргі таңда өңірлік интеграция көбінесе еркін сауда туралы аймақтар (бұдан әрі ЕСА) формасында жүзеге асырылады. Сонымен, мысалы, Дүниежүзілік сауда ұйымында (ДСҰ) қолданыстағы нотификацияланған өңірлік сауда келісімдерінің 84 пайызы ЕСА туралы келісімдер болып табылады. Бұл тенденцияны жай ғана түсіндіріп кету жеткілікті. Интеграцияның мұндай түрін жүзеге асыру үшін ұлттық заңнаманы немесе тарифтерді үйлестірудің қажеті жоқ, сонымен қатар серіктестердің географиялық жақындығы да талап етілмейді және т.б. сонымен бірге ЕСА туралы келісімдер стратегиялық маңызды нарықтарға қолжетімділікті реттейді, яғни осы елдердің суверенитетін барынша сақтай отырып қажет деңгейде экономикаларды интеграциялауға мүмкіндік береді.

Бұл салада жүргізілген зерттеулер ЕСА туралы келісімдер санының өсе түсетіндігінен хабар береді. Оған статистика дәлел, мысалы, ДСҰ-да 1995 жылы осындай 124 келісім нотификацяланған. 2012 жылғы 15 қаңтарға дейінгі деректер бойынша Дүниежүзілік сауда ұйымы ЕСА туралы 319 қолданыстағы келісімді тіркеген.

Осылайша ЕСА туралы келісім үшінші елдерге қатысты сауда тәртіптерін белгілеу саласында ЕЭК-тің өз қызметін жүзеге асыруына құқық беретін 2011 жылғы 18 қарашадағы Еуразиялық экономикалық комиссия туралы Шартқа сәйкес Еуразиялық экономикалық комиссияның (ЕЭК) жүргізу саласына енетін сауда саясатының маңызды құралы болып табылады.

Еркін сауда аймағын құру басымдылығына жататындар: экспорттық әлеуетті күшейту, өндірісті әртараптандыру және экономикалық даму үлгісін оңтайландыру.

Қазақстан Республикасы мен Вьетнам Социалистік Республикасының сыртқы сауда айналымы жағымды қозғалысқа ие. Ол 2012 жылы 185 млн. АҚШ долларын құраса, 2013 жылы – 237 млн. АҚШ долларын, 2014 жылғы қаңтар-қыркүйек аралығындағы кезеңде 185, 6 млн. АҚШ долларын құраған.

Қазақстан Республикасының Вьетнамға экспорттайтын тауарлары

№	КО СЭҚТН коды	Тауардың қысқаша сипаттамасы	Экспорт көлемі, долл.	Вьетнамның әкелу бажы, %
1	2524	Асбест	1 226 576	5
2	1204	Зығыр тұқымы, ұнтақталған немесе ұнтақталмаған	82 880	10
3	7326	Қара металдан өзге де бұйымдар	50 891	5-20
4	9406	Құралған құрылыс конструкциялары	20 001	15
5	5704	Киізден жасалған кілемдер және өзге де тоқылған еден жабындары, тафтингіленбеген немесе флокирленбеген, дайын немесе дайын емес	7 000	12
6	8716	Тіркемелер және жартылай тіркемелер; өзге де өздігімен жүрмейтін көлік құралдары; олардың бөлшектері	5 881	5-20
7	9015	Геодезиялық немесе топографиялық (фотограмметриялықтарды қоса), гидрографиялық, мұхиттану, гидрологиялық, метеорологиялық немесе геофизикалық аспаптар мен құралдар, тұсбағдарлардан өзге; қашықтық өлшеуіштер	4 247	0
8	9403	Басқа да жиһаз және оның бөлшектері	2 500	10-25
9	3924	Асхана және асүй ыдыс-аяғы, асхана және асүй жабдықтары, басқа да үй тұрмысы заттары және гигиена заттары, пластмассадан жасалған	2 047	22
10	7307	Құбыр немесе түтіктерге арналған фитингтер (мысалы, жалғасулар, буындар), қара металдан	1 598	5-7

Сонымен бірге Вьетнамның экспорттық әлеуеті төменде ұсынылған:

Тауар коды	Тауар сипаты	Экспорт, 2012, мың АҚШ доллары	Үлес
851712	Телефондар	14 314 148	12%
270900	Шикі мұнай	8 603 379	7%
854231	Процессорлар	4 029 515	3%
090111	Кофе	3 379 551	3%
640399	Басқа да аяқ киім	3 119 932	3%
100630	Күріш	2 227 538	2%
852990	Түрлі аппаратураға арналған бөлшектер (антенналар)	2 170 996	2%
640299	Су өтпейтін аяқ киім	1 858 517	2%
270111	Антрацит	1 851 659	1%
852580	Телевизиялық камералар	1 783 392	1%
847130	Салмағы <10 кг. компьютерлер	1 696 372	1%
854430	Шоғырсым жиынтықтары	1 655 401	1%
940350	Ағаштан жасалған «жатын бөлме» жиһазы	1 617 387	1%